دۇرىس دامۋ ءۇشىن دۇرىس جوسپارلاۋ كەرەك

كەشە پارلامەنت ءماجىلىسى توراعاسىنىڭ ورىنباسارى ۆلاديمير بوبروۆتىڭ جەتەكشىلىك ەتۋىمەن ۇكىمەت ساعاتى ءوتتى. “ەلدىڭ ۇدەمەلى يندۋستريالىق-يننوۆاتسيالىق دامۋىنىڭ 2010-2014 جىلدارعا ارنالعان باعدارلاماسى تۋرالى” تاقىرىبى بويىنشا پرەمەر-ءمينيستردىڭ  ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ بايانداما جاسادى. مەملەكەت باسشىسى ەلدى دا­مى­تۋدىڭ 2020 جىلعا دەيىنگى جاڭا ستراتەگياسىن جاريا ەتتى. تاياۋ ون جىلدىقتاعى ورنىقتى جانە تەڭ­گەرىمدى دامۋ ۇلتتىق ەكو­نوميكانى جەدەل ءارتاراپتاندىرۋ جانە ونىڭ باسەكەگە قابىلەتىن ارتتىرۋ ەسەبىنەن قامتاماسىز ەتىلەتىن بولادى. جاقىندا قابىلداعان ۇدەمەلى يندۋستريالىق-يننوۆاتسيالىق دا­مۋدىڭ 2010-2014 جىلدارعا ارنا­عان مەملەكەتتىك باعدارلاماسى ەلى­مىزدىڭ 10 جىلدىق دامۋ ستراتە­گيا­سىن ىسكە اسىرۋدىڭ ءبىرىنشى 5 جىلدىق ين­دۋس­تريالىق جوسپارى بولىپ تابىلادى. “ەل پرەزيدەنتى قويىپ وتىر­عان ماقساتتار شىنىندا دا اۋقىم­دى. ويتكەنى, ول بىردەن ءۇش ءبىر­دەي ءمىن­دەتكە قول جەتكىزۋگە با­عىت­تالعان. ءبىرىنشىسى – يندۋس­تريا­لاندىرۋ. ەكىن­شىسى – ۇدەمەلى يندۋس­تريا­لان­دىرۋ, ول قازاقستان­نىڭ كەلەشەك­تەگى دامۋ پەرس­پەك­تيۆاسىنا ايتار­لىقتاي سەرپىن بەر­مەك. ءۇشىنشىسى – يننوۆاتسيالىق يندۋستريالاندىرۋ. بۇل تۇستا اڭگى­مە ەڭبەك ونىمدىلىگى مەن جاڭا تەحنولوگيالار ءبىرىنشى كەزەككە شى­عارىلاتىن جاڭا ەكونو­ميكا­لىق سانا تۋرالى بولىپ وتىر. كوپ­تەگەن ەلدەردە يندۋستريالان­دى­رۋ ۇدەرىسى بىرنەشە كەزەڭدەردەن تۇردى, الايدا بىزگە بۇل ءۇش ءمىن­دەتتى دە تاياۋ بەس جىل ىشىندە شە­شۋ قا­جەت. سوندىقتان مەملەكەت باسشى­سى بارلىق رەسۋرستاردى جۇمىل­دى­رۋ, ورتالىق پەن ءوڭىر­لەردىڭ قىز­مەتىن ناقتى ۇيلەستىرۋدى قامتاما­سىز ەتۋ بويىنشا, مەملە­كەت پەن بيزنەستىڭ ءوزارا ءىس-قيمى­لىنىڭ جاڭا دەڭگەيىنە شىعۋ ءمىن­دەتتەرىن قويدى. بايىپتى تال­دا­مالىق زەرت­تەۋلەر باعدارلاما­نىڭ نەگىزى بولدى. ءبىز بارلىق بۇعان دەيىنگى ستراتە­گيا­لاردى, قابىل­دان­عان قانداي شارا­لار اسەرلى بولعانىن, ال قايسىسى نەلىكتەن اسەرلى بولماعانىن زەرت­تەدىك. ءبىز بۇل باعدارلامانى ازىرلەۋ ۇدەرىسىن بارىنشا اشىق جانە ايقىن ەتۋگە ۇمتىلدىق. ۇيلەستىرۋ كەڭەسى قۇرىلدى, وندا بيزنەسپەن بىرگە نەگىزگى وزەكتى ماسەلەلەر تال­قىلاندى. بارلىق وڭىرلەردە ون­دا­عان كەزدەسۋلەر مەن تالقىلاۋلار وتكىزىلىپ, وعان كاسىپورىنداردىڭ اۋقىمدى بولىگى, بارلىق سالالىق قاۋىمداستىقتار تارتىلدى”,– دەدى اسەت يسەكەشەۆ. بايانداماشى باعدارلامانىڭ نىسانالى ينديكاتورلارىنا توق­تالعاندا, 2014 جىلدىڭ اياعىنا قا­راي قول جەتكىزۋگە ءتيىستى مەجەلەردى اتاپ ءوتتى. ىشكى جالپى ءونىمدى ء(ىجو) 2008 جىل دەڭگەيىنىڭ 50%-ىنا دەيىن ءوسىرۋ, وڭدەۋشى سەكتوردا ەڭبەك ءونىم­دىلىگىن 50%-عا, ەكو­نو­ميكانىڭ جە­كەلەگەن سەكتورلا­رىن­دا 100%-عا جوعارىلاتۋ, شيكىزات­تىق ەمەس ەكس­پورت ۇلەسىن 40%-عا دەيىن جەتكىزۋ, ءىجو-ءنىڭ ەنەرگيا سىيىمدىلىعىن 2008 جىلعى دەڭ­گەيدەن 10%-عا ءتو­مەندەتۋ, يننو­ۆا­تسيالىق كاسىپورىن­داردىڭ ۇلەسىن جۇمىس ىستەپ تۇرعان كاسىپورىن­دار­مەن سالىستىرعاندا 10%-عا دەيىن ۇلعايتۋ مىندەتتەرى العا قويىلعان. سونىمەن قاتار, اسەت يسەكە­شەۆ ەلىمىزدىڭ ءتورت باعدارلاما­سى­نىڭ, اتاپ ايتقاندا, “ينۆەستي­تسيا­لار-2020”, “ونىمدىلىك-2020”, “ەكسپورت-2020”, “بيزنەستىك جول كارتاسى-2020” جوس­پارلارىنىڭ ورىن­دا­لۋ كەزەڭ­دەرى مەن جولدارىن بايان­داپ ءوتتى. بايانداماشى ۇكىمەت ساعاتىندا دەپۋتاتتاردىڭ سۇراقتارىنا جاۋاپ بەردى. ۇكىمەت ساعاتىن ۆلاديمير بوب­روۆ قورىتىندىلادى. ايباتىر سەيتاق, جۋرناليست.