شقو اقپارات ورتالىعىنىڭ مالىمەتىنە سۇيەنسەك, قازىرگى ۋاقىتتا وڭىردە كوكتەمگى اسكەرگە شاقىرۋ ناۋقانى جۇرگىزىلۋدە. بيىلعى ناۋقاندا 1200-دەن استام جىگىت اسكەرگە شاقىرتىلادى. وسكەمەندە اسكەرگە شاقىرىلعاندارمەن سالتاناتتى قوشتاسۋ ءراسىمى ءوتتى. 50 سارباز جامبىل وبلىسىنا جىبەرىلدى. ولار №91678 اسكەري بولىمىندە بورىشتارىن وتەيدى.
«امان-ەسەن ەلگە ورالۋلارىڭا تىلەكتەسپىن. ءبىزدىڭ جانە اتا-انالارىڭنىڭ ارتقان ءۇمىتىن اقتايتىندارىڭا سەنەمىن», دەدى قۇتتىقتاۋ سوزىندە وبلىس اكىمىنىڭ ورىنباسارى نۇرجان ءجۇمادىلوۆ.
قر قارۋلى كۇشتەرىنىڭ قۇرىلعانىنا 30 جىل تولۋىنا وراي ۇيىمداستىرىلعان شاراعا ەلىمىزدىڭ قارۋلى كۇشتەرىنىڭ ارداگەرلەرى, ينتەرناتسيوناليست-جاۋىنگەرلەر, اسكەرگە شاقىرىلعانداردىڭ اتا-انالارى مەن تۋعان-تۋىستارى قاتىستى. قازىرگى ۋاقىتتا شەكارا قىزمەتىنە شاقىرۋ اياقتالىپ, قورعانىس مينيسترلىگىنىڭ قارۋلى كۇشتەرىنە باراتىندار جاساقتالۋدا.
