شارانى اقپارات جانە قوعامدىق دامۋ مينيسترلىگىنىڭ قولداۋىمەن «قازاقستاندىق قوعامدىق دامۋ ينستيتۋتى» كەاق ۇيىمداستىردى.
وتىرىسقا قر پارلامەنتى ءماجىلىسىنىڭ دەپۋتاتتارى, ساياساتتانۋشىلار, قوعام قايراتكەرلەرى مەن ققدي ساراپشىلارى قاتىستى.
ەكسپەرتتىك كلۋبتىڭ قاتىسۋشىلارى مەملەكەت باسشىسى قاسىم-جومارت توقاەۆتىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىندا باستاماشىلىق ەتكەن «ۇلتتىق قۇرىلتاي» جاڭا قوعامدىق ينستيتۋتىنىڭ ىسكە اسىرىلۋىن تالقىلادى. اتاپ ايتقاندا, قازىرگى زامانداعى ۇلتتىق قۇرىلتايدىڭ نەگىزگى اسپەكتىلەرى قاراستىرىلدى.
ءىس-شارا «قازاقستاندىق قوعامدىق دامۋ ينستيتۋتى» كەاق باسقارما توراعاسى قازبەك مايگەلدينوۆتىڭ مودەراتورلىعىمەن ءوتتى. ول جاڭا قۇرىلىم ۇلتتىق كەڭەستەردىڭ قىزمەتىن جالپىحالىقتىق دەڭگەيدە جالعاستىراتىنى تۋرالى پرەزيدەنتتىڭ تەزيسىن كەلتىردى.
«جاڭا ينستيتۋتتىڭ ءرولى مەن مىندەتتەرى ەرەكشە جانە جاڭا قازاقستاندى قۇرۋدا تاريحي ماڭىزعا يە. «ۇلتتىق قۇرىلتاي» قوعامدىق ديالوگتىڭ بىرىڭعاي مودەلىن قالىپتاستىرىپ, بيلىك پەن حالىق اراسىن بايلانىستىرۋشى كوپىرگە اينالۋى ءتيىس. «ۇلتتىق قۇرىلتايدىڭ» باستى ماقساتى – جالپىۇلتتىق ديالوگتىڭ شەكاراسىن كەڭەيتۋ», دەدى ققدي باسشىسى.
قر پارلامەنتى ءماجىلىسىنىڭ دەپۋتاتى ەدىل جاڭبىرشين پرەزيدەنتتىڭ قوعام مەن مەملەكەت اراسىنداعى قاتىناستاردى ترانسفورماتسيالاۋ قاجەتتىلىگى تۋرالى بىرنەشە رەت ايتقانىن اتاپ ءوتتى.
ء«بىزدىڭ پرەزيدەنتتىڭ قازاقستاندى جاڭارتۋعا, دۇرىس جولعا باعىتتاۋعا دەگەن يگى ۇمتىلىسى بار. ال ءبىز, بۇكىل ەل, ونى ءبىراۋىزدان قولداۋىمىز كەرەك! مۇنداي ترانسفورماتسيا, ەڭ الدىمەن, پارلامەنت جۇمىسىندا, ءماجىلىس قابىرعاسىندا باستالۋعا ءتيىس. «جاڭا قازاقستان» دەپۋتاتتىق توبىنىڭ اتىنان پارلامەنت قابىرعاسىندا قوعام ءومىرىن جاقسارتۋعا قاتىستى ەڭ وزەكتى سۇراقتاردى كوتەرىپ, حالىقتىڭ ماسەلەلەرىن ۋاقتىلى شەشۋ ءۇشىن قارقىندى جۇمىس اتقارامىز دەپ ايتا الامىن. دەپۋتاتتار حالىقتىڭ رۋحانياتىن نىعايتۋعا, ونىڭ ءال-اۋقاتىن ارتتىرۋعا باعىتتالعان جۇمىسقا مۇددەلى. مەنىڭ ويىمشا, بۇل دا جاڭا ينستيتۋتتىڭ فۋنكتسيالارىنا كىرەدى. ۇلتتىق قۇرىلتايدىڭ ۇلكەن ارتىقشىلىعى بارلىق وبلىستىق قوعامدىق كەڭەستەردى وزىنە شوعىرلاندىرادى. بۇل ءتۇرلى پىكىرلەردەگى بارلىق وكىلدەردى قامتيتىن قۇرىلىمدى قالىپتاستىرادى», دەپ قورىتىندىلادى ەدىل جاڭبىرشين.
ۇلتتىق قۇرىلتاي قۇرامى تۋرالى قر پارلامەنتى ءماجىلىسىنىڭ دەپۋتاتى ەرلان سايروۆ تا ءوز پىكىرىن ءبىلدىردى.
«جاڭا كەڭەسشى ورگان قازاقستاننىڭ بارلىق وبلىستارىندا جۇمىس ىستەيدى. بۇرىن وبلىستىق جانە اۋداندىق دەڭگەيدە بولعان بارلىق قوعامدىق كەڭەستەر «ۇلتتىق قۇرىلتاي» فورماتىنا ەنەدى», دەدى دەپۋتات.
AMANAT پارتياسى دەپۋتاتتىق فراكتسياسىنىڭ مۇشەسى ساياسات نۇربەك ەلىمىزدە جاڭا ساياسي مادەنيەتتى قالىپتاستىرۋدا «ۇلتتىق قۇرىلتاي» قۇرۋدىڭ ماڭىزدىلىعىن تىلگە تيەك ەتتى.
«جاڭا قازاقستاندى جاڭا قاعيداتتار مەن جاڭا جۇمىس فورماتتارىنان باستاۋ كەرەك. جاڭا «ۇلتتىق قۇرىلتاي» ينستيتۋتىن قۇرۋ بارلىق ۇلتتىق جوبالار مەن ستراتەگيالىق قۇجاتتاردى اشىق تالقىلاۋدى قامتاماسىز ەتۋگە مۇمكىندىك بەرەدى. بۇل – مەملەكەت پەن جۇرتشىلىقتىڭ ەل دامۋىنىڭ نەعۇرلىم ءتيىمدى مودەلىن ازىرلەۋ جونىندەگى ورتاق جۇمىسى».
وتىرىس بارىسىندا ساراپشىلار جاڭا ينستيتۋتتىڭ قانداي فۋنكتسيالارى مەن وكىلەتتىكتەرى بولۋى ءتيىس ەكەندىگى تۋرالى ءوز كوزقاراسىن ايتىپ, پىكىرلەرىمەن ءبولىستى. سونداي-اق وتىرىسقا قاتىسۋشىلار قوعام مەن مەملەكەت اراسىندا تۇراقتى كەرى بايلانىستى قالىپتاستىرۋ جونىندەگى قادامداردى تالقىلادى.
