سوعىسقا اتتانعان جەكسەنع ۇلى مەن قوسشىع ۇلىن 40 جىل بويى كۇتۋمەن ومىردەن وتكەن انانىڭ زارىمەن باستالاتىن پەسا – اقىن جامبىلدىڭ مايداننان قايتپاي قالعان بالاسىنا, شىعىستىڭ قوس شىنارى اتانعان ءاليا مەن مانشۇكتىڭ ەلگە جازعان حاتتارىن قامتيدى.
«انا تۋرالى», ء«اليا», «قارا كەمپىر», «سوعىستان قايتقان سولداتتار» اتتى اندەردى ارتىستەردىڭ جاندى داۋىسپەن شىرقاعانى ساربازداردى ەرەكشە تولقىتتى. «الاتاۋ» ءداستۇرلى ونەر تەاترىنىڭ رەپەرتۋارىنداعى «مايدان حاتتارى» سپەكتاكلى سوعىس اتاۋلىنىڭ تراگەدياسىن جاس ۇرپاققا تەرەڭ ۇعىندىراتىن شىعارما ەكەندىگى ءسوزسىز. وتان قورعاۋداعى وشپەس ەرلىكتى ۇلىقتاعان سپەكتاكلدىڭ قويۋشى رەجيسسەرى, تەاتردىڭ كوركەمدىك جەتەكشىسى جۇلدىزبەك جۇماباي.
مۋزىكامەن باستالىپ, مۋزىكامەن اياقتالعان قويىلىمدى ساربازدار وتە جىلى قابىلدادى. ارتىستەردىڭ شىعارماشىلىق شەبەرلىگى ارقىلى سپەكتاكلدەن ەرەكشە اسەر العان بولاشاق شەكاراشىلار تەاتر ۇجىمىنا العىس ايتتى.
