حالىقارالىق كىتاپ جارمەڭكەسى اشىلدى

بۇل كىتاپ جارمەڭكەسىن باس بولىپ ۇيىمداستىرعان «فوليانت» باسپاسى ەكەنىن ايتا كەتكەن ءجون. اتالعان ءىس-شاراعا بۇل باسپادان سىرت ەلىمىزدەگى KS Production, Qasym باسپا ءۇيى, Qyr Balasy قوعامدىق قورى, Steppe&World باسپا ءۇيى, «اتامۇرا» كورپوراتسياسى, «مازمۇنداما» قوعامدىق قورى سياق­تى باسپالاردىڭ ءارتۇرلى جانرداعى كىتاپتارى مەن رەسەيلىك ا+ا باسپا ورتالىعى, Alter Ego, «بەلىي گورود» ساۋدا ءۇيى قاتارلى 20-دان استام باس­پا ۇيىمدارى قاتىستى. سونداي-اق تۇركيالىق Damla Publishing باسپاسى, يران يسلام رەسپۋبليكاسىنىڭ قازاقستان رەسپۋبليكاسىنداعى ەلشىلىگىنىڭ مادەني ءبولىمى قاتارلى الىستان كەلگەن كىتاپ باس­پا ورتالىقتارى دا ءوز ونىمدەرىن كورمە اياسىندا وقىرمانعا كورسەتتى.

كورمەنى ۇيىمداستىرۋشى «فوليانت» باسپاسى قازاق رەداكتسياسىنىڭ باس رەداكتورى فاريدا راحىمجانقىزى: «بۇل كىتاپ جارمەڭكەسى 2016 جىلدان بەرى وتكىزىلىپ كەلەدى. پاندەمياعا بايلانىستى ەكى جىل توقتاپ قالىپ ەدى, بيىل مىنە تاعى دا ۇيىمداستىرىپ وتىرمىز. «فوليانت» باس­پاسى كىتاپ نارىعىندا 25 جىلدان بەرى جۇمىس ىستەپ كەلەدى. وسى جىلداردىڭ ىشىندە حالىقارالىق كىتاپ جارمەڭكەلەرىنە قاتىسىپ ءجۇر. الەمدىك كورمەلەرگە قاتىسۋ بارىسىندا نەگە ءبىزدىڭ ەلدە وسىنداي كىتاپ كورمەسىن وتكىزبەسكە دەگەن ويدىڭ جەتەگىمەن وسىنداي كورمەنى وتكىزۋدى قولعا الدى. بۇل كورمەنىڭ ماقساتى – وسى كىتاپ نارىعىنداعى بارلىق ۇيىمداردى, باسپا­گەرلەردى, اقىن-جازۋشىلاردى ءبىر الاڭعا جيناۋ, شەتەلدىك جانە قازاقستاندىق باسپالاردىڭ اراسىندا ىنتىماقتاستىق ورناتۋ» دەگەن پىكىرىمەن ءبولىستى. وسى كور­مە-جارمەڭكە اياسىندا ۇلىقبەك ەسداۋ­لەتتىڭ «كيىز كىتابى» مەن اقبەرەن ەل­گە­زەكتىڭ «بولماعان بالالىق شاق» كىتا­بى اۆتورلاردىڭ ءوز قولتاڭباسىمەن وقىرمانعا ساتىلدى. سونىمەن بىرگە, تاريح عىلىمدارىنىڭ دوكتورى, پروفەسسور ەرلان سىدىقوۆتىڭ « ۇلى دالا قۇندىلىقتارى», جازۋشى ءمادي ايىم­بەتوۆتىڭ «بوپاي حانىم» اتتى روما­نىنىڭ, «اتامۇرا» باسپاسىنان شىققان «بالالار پوەزياسىنىڭ انتولوگياسى» سەكىلدى كىتاپتاردىڭ تانىستىرىلىمى ءوتتى.

وسى كورمەگە قاتىسقان Steppe & World باسپا ءۇيىنىڭ ديرەكتورى رايسا سايران قادىر: «قازاق باسپا يندۋسترياسى دامىپ, ىلگەرىلەپ كەلە جاتقانىنا قۋانىشتىمىن. جاس ۇرپاق ءۇشىن بۇل وتە ماڭىزدى. ەلىمىزدىڭ جازۋشىلارىنىڭ كى­تاپتارى جانە الەم ادەبيەتى قا­زاق تىلىندە مولىمەن شىققانى كۇندەلىكتى نورماعا اينالۋى ءتيىس. بالالار الەم ادەبيەتىن انا تىلىندە وقۋ قۇقىعىن تالاپ ەتۋى كەرەك. وسى كورمەنى ۇيىمداستىرۋعا ات سالىسقان ارىپتەس «فوليانت» باسپاسىنا العىسىمدى بىلدىرەمىن», دەدى. اتالعان كىتاپ كورمە-جارمەڭكەسى 20-24 ءساۋىر ارالىعىندا جالعا­سادى. ارينە, وسىنداي يگىلىكتى ءىس-شارانى ۇيىمداستىرىپ, بۇكىل شىعىنىن ءوز موينىنا العان «فوليانت» باسپا ۇيىنە العىستان باسقا ايتارىمىز جوق. كىتابىمىز كوپ بولسىن, كىتاپ وقيتىنداردىڭ قاتارى سيرەمەسىن.