ءبىلىم جانە عىلىم ءمينيسترى اسحات ايماعامبەتوۆ پەداگوگتەردى الەۋمەتتىك قولداۋ باعدارلاماسى بيىلعى قىركۇيەك ايىنان باستالاتىنىن ايتتى.
«قاراستىرىلىپ وتىرعان 3,9 ملرد تەڭگە ەكى ماسەلەنى دە قامتىپ وتىر. بىرىنشىدەن, مۇعالىمدەردىڭ ەكى ەسە جالاقى الۋى جانە بۇعان قوسا تۇرعىن ءۇي جالداۋ مەن كوممۋنالدىق شىعىنداردى تولەۋ ەسكەرىلگەن. نەگە ءبىز بۇل ماسەلەنى جالاقىنىڭ ىشىندە قاراستىرىپ وتىرمىز؟ ءبىزدىڭ زاڭناماعا سايكەس, تۇرعىن ءۇي جالداۋ مەن كوممۋنالدىق تولەماقىنى تەك جەرگىلىكتى بيۋدجەتتەن بەرە الامىز. سوندىقتان جەرگىلىكتى بيۋدجەتكە اۋىرپالىق تۇسىرمەۋ ءۇشىن جانە زاڭنامانى بۇزباۋ ءۇشىن بۇل ماسەلەنى جالاقى ارقىلى شەشىپ وتىرمىز. ماسەلەن, مۇنايلى اۋدانىنا كوشىپ باراتىن مۇعالىم قىركۇيەك ايىندا جالاقى الاتىن بولسا, وندا ونىڭ جالاقىسى 790 مىڭ تەڭگەگە جۋىق بولادى. سول 790 مىڭنىڭ 140 مىڭعا جۋىعى كوممۋنالدىق شىعىندار بولادى, ال 650 مىڭ تەڭگەگە جۋىعى - مۇعالىمنىڭ ءوز جالاقىسى», دەدى مينيستر.
ءمينيستردىڭ ايتۋىنشا, بۇل ماسەلە ۆەدومستۆونىڭ بۇيرىعىندا جانە مۇعالىمنىڭ العان تۇبىرتەگىندە جازىلاتىنىن اتاپ ءوتتى.
