«قالانىڭ باس جوسپارىندا كولىكتىك دامۋ ءبولىمى بار, بىراق ۋاقىت تالابى مەن ۋربانيزاتسيانى, جاڭا سىن-تەگەۋرىندەردى ەسكەرە وتىرىپ, ەگجەي-تەگجەيىن (كولىك-اۋىسىپ وتىرۋ توراپتارى, بۇرىلۋ الاڭدارى, جاياۋ جۇرگىنشىلەر, باعدارشامدار جانە ت.ب.) جازىپ, كەشەندى كولىك سحەماسىنىڭ دامۋىن جەكە ءبولىپ كورسەتۋ قاجەت. الەمدىك تاجىريبەدە قالالىق جانە كولىكتىك جوسپارلاۋ قالا قۇرىلىسىنىڭ ءوزارا تاۋەلدى ەلەمەنتتەرى بولىپ تابىلادى», دەدى بەكمىرزا يگەنبەردينوۆ.
سونىمەن قاتار كولىك كومپانياسىنىڭ باسشىسى قالالىق كولىكتى باسقاراتىن ۇيىمدار اراسىنداعى ۇيلەستىرۋ جۇمىستارىن كۇشەيتۋ قاجەتتىگىن اتاپ ءوتتى.
«بۇدان باسقا, ماگيسترالدى كوشەلەر مەن وزەن ارقىلى وتەتىن قوسىلىم سانىن ارتتىرۋ قاجەت. تۇرعىن كۆارتالداردىڭ قۇرىلىسىن كولىكتىك قولجەتىمدىلىكتى ەسكەرە وتىرىپ جوسپارلاۋ قاجەت. جوعارىدا ايتىلعانداردى ەسكەرە وتىرىپ, قالالىق كولىكتى باسقارۋ سالاسىنداعى ستراتەگيالىق قۇجات – كەشەندى كولىك سحەماسىن جاساۋ ەڭ دۇرىس شەشىم بولادى», دەپ قوستى بەكمىرزا يگەنبەردينوۆ.
كەشەندى كولىك سحەماسى قالادا قالالىق كولىكتى ۇيىمداستىرۋ مەن باسقارۋعا قاتىستى قولدانىستاعى قۇقىقتىق جۇيەدەگى ولقىلىقتار مەن قايشىلىقتاردى انىقتايدى, جەر پايدالانۋ مەن قالالىق كولىكتى جوسپارلاۋدى, قالالىق كولىك سالاسىنا تارتىلعان ورگانداردىڭ فۋنكتسيالارى مەن وكىلەتتىكتەرىن بىرىكتىرەدى. بۇدان باسقا, قوعامدىق كولىك, جول-كولىك ينفراقۇرىلىمى, جول قوزعالىسىن ۇيىمداستىرۋ, كولىك اعىندارىن باسقارۋ, تۇراق كەڭىستىگى سالالارىنداعى پروبلەمالاردى شەشۋدى ۇسىنادى.
قالالىق ءماسليحات كەشەندى كولىك سحەماسىنىڭ تۇجىرىمداماسىن بەكىتتى. ۇكىمەتپەن جانە قر يدم-مەن بىرلەسىپ قارجىلاندىرۋ كوزدەرى كەلىسىلىپ, بۇدان ءارى ككس ىسكە اسىرۋ ءۇشىن الىناتىن بولادى.
