بۇگىندە ەلوردادا 18 ارداگەر تۇرادى, ولاردىڭ ەڭ ۇلكەنى – 102 جاستا, ەڭ كىشىسى – 96 جاستا. 9 مامىردا جەڭىس كۇنىن مەرەكەلەۋگە ولار 1 ملن تەڭگە (1 013 060 تەڭگە) مولشەرىندە بىرجولعى تولەم الادى.
جەڭىلدىكتەر بويىنشا ءىى دۇنيەجۇزىلىك سوعىسىنىڭ ارداگەرلەرىنە تەڭەستىرىلگەندەر, چاەس قاتىسۋشىلارى مەن مۇگەدەكتەرىنەن باسقالارى 111 300 تەڭگەدەن الادى. بارلىعى 410 ادام, ونىڭ ىشىندە – ءىى دۇنيەجۇزىلىك سوعىس كەزىندە قىزمەت ەتكەن اسكەري قىزمەتشىلەر, فاشيستىك گەرمانياعا قارسى ۇرىس قيمىلدارىنا قاتىسقان ادامدار, لەنينگرادتا بلوكادا كەزەڭىندە جۇمىس ىستەگەن ازاماتتار, كونتسلاگەرلەردىڭ كامەلەتكە تولماعان تۇتقىندارى, جارالانۋى سالدارىنان مۇگەدەك بولعان اسكەري قىزمەتشىلەر.
باسقا مەملەكەتتەر اۋماعىنداعى ۇرىس قيمىلدارىنىڭ ارداگەرلەرى (اۋعانستانداعى ۇرىس قيمىلدارىنىڭ ارداگەرلەرىنەن باسقا) – تاجىك-اۋعان ۋچاسكەسىندە مىندەتتەردى ورىنداعان, يراكتاعى حالىقارالىق بىتىمگەرلىك وپەراتسياعا قاتىسقان, تاۋلى قاراباقتاعى ەتنوسارالىق قاقتىعىستى رەتتەۋگە قاتىسقان اسكەري قىزمەتشىلەرگە – 63 600 تەڭگە مولشەرىندە تولەمدەر كوزدەلگەن. ەلوردادا وسى تىزىمگە جاتاتىن 810 ادام بار.
تىل ەڭبەككەرلەرى (1946 ادام), قازا تاپقان اسكەري قىزمەتشىلەردىڭ وتباسىلارى, ۇوس قايتىس بولعان مۇگەدەگىنىڭ جۇبايى (زايىبى), چاەس قاتىسۋشىلارى قاتارىنداعى وقشاۋلاۋ ايماعىنان ەۆاكۋاتسيالانعان ء(وز ەركىمەن كەتكەن) ادامدار 9 مامىرعا دەيىن 34 980 تەڭگەدەن الادى. بارلىعى – 2 686 ادام.
ايتا كەتەيىك, ارداگەرلەر تولەمدەردى ەرتەڭنەن باستاپ الا باستايدى.
سونىمەن قاتار جەرگىلىكتى بيۋدجەت ەسەبىنەن ۇلى وتان سوعىسى ارداگەرلەرىنە كەلەسى تەگىن قىزمەتتەر كورسەتىلەدى:
– كوممۋنالدىق قىزمەتتەر ءۇشىن اقشالاي وتەماقى, ول پاتەر الاڭىنا بايلانىستى اي سايىن 5-تەن 8 اەك-كە دەيىن بولىنەدى;
– ءدارى-دارمەكپەن قامتاماسىز ەتۋ;
– مەرزىمدى باسىلىمدارعا جازىلۋعا, مونشالارعا, شاشتارازدارعا بارۋعا الەۋمەتتىك كومەك (جىل باسىندا جەكە شوتتارعا 6,5 اەك اۋدارىلادى);
– ساناتورلىق-كۋرورتتىق ەمدەۋ قىزمەتتەرى;
– قالالىق جولاۋشىلار كولىگىندە جەڭىلدىكپەن ءجۇرۋ;
– ءتىس پروتەزدەۋ قىزمەتتەرى.
