سەنىمدى دەرەك كوزدەرىنىڭ مالىمەتى بويىنشا, رەسەيلىك ەنشىلەس قارجى ينستيتۋتتارىن ساتىپ الۋعا باستى ۇمىتكەر – Freedom Finance بانكى. Frank Media اقپارىنا سۇيەنسەك, Freedom-نان بولەك, «الفا بانكتىڭ» ەنشىلەس بانكىن ساتىپ الۋعا «ەۆرازيالىق بانك», Bank RBK جانە Orbis اۆتوديلەرى قىزىعۋشىلىق تانىتىپ وتىر.
ال «سبەر» ءوزىنىڭ 733,9 ملن دوللار كولەمىندەگى بولشەك نەسيە پورتفەلىن Halyk Bank-كە ساتتى. سوعان قاراماستان ساراپشىلار «سبەردىڭ» جاعدايى قيىنداۋ ەكەنىن, ازىرگە وعان تەك Freedom Finance عانا قىزىعىپ وتىرعانىن, كەلىسسوزدەر ءجۇرىپ جاتقانىن ايتادى.
«Freedom Finance كاپيتال 800 ملن دوللار بولعان جاعدايدا اكتسيونەرلەرگە 200-300 ملن دوللار تولەۋگە دايىن. بىراق مامىلە تەك قازاقستان قاداعالاۋشىسىنىڭ قولداۋىمەن جاسالادى. قيىن جاعداي تۋا قالسا «سبەربانكتىڭ» ەنشىلەس بانكىنە 1-1,5 ملرد دوللارعا دەيىن وتىمدىلىك كەرەك بولادى», دەيدى ساراپشىلاردىڭ ءبىرى. ايتپاقشى, كەلىسىم تولىق اياقتالۋ ءۇشىن OFAC (اقش قارجى مينيسترلىگىنىڭ قارجىلىق بارلاۋمەن اينالىساتىن ءبولىمى – رەد) ليتسەنزياسى دا قاجەت بولارىن ايتا كەتەيىك.
قازاقستاندا جۇمىس ىستەيتىن تاعى ءبىر رەسەيلىك مەملەكەتتىك بانك ۆتب بانك (قازاقستان) ءبىزدىڭ نارىقتان كەتۋدى جوسپارلاماعان سياقتى. ال كەي ساراپشىلار Freedom Finance-ءنىڭ «سبەر» مەن «الفا بانك» ەنشىلەس ۇيىمدارىن ساتىپ الۋ تۋرالى اقپارات نارىقتىڭ رەاكتسياسىن ءبىلۋ نەمەسە سۇرانىستى جاساندى تۇردە ءوسىرىپ, ساتىلىم قۇنىن قىمباتتاتۋ ءۇشىن جاسالعان ءادىس بولۋى مۇمكىن دەگەن بولجاۋ ايتادى.
«تارتىمدى اكتيۆتەردى «نارىق جاعدايىندا» ساتىپ الۋ ادەتتە مەنشىكتى كاپيتال سوماسىنان جوعارى بولادى. بىراق ءبىزدىڭ بانك سەكتورىندا جەڭىلدىكپەن جاسالۋى مۇمكىن. اسىرەسە, بۇل سانكتسياعا ىلىككەن بانكتەرگە قاتىستى. ولاردان تەز ارادا سانكتسيانى قايتا الىپ تاستاۋ كەپىلى جوق بولعاندىقتان ينۆەستورلار ءۇشىن دە رەسەيلىك بانكتەردى ساتىپ الۋ ءتيىمسىز بولماق جانە ساتىپ الۋشى ينۆەستور نەمەسە كومپانيا اقش-تا تىركەلگەن بولسا. مىسالى, Freedom Holding Corp امەريكالىق Nasdaq بيرجاسىندا ساۋدا جاسايدى. ياعني مۇنداي مامىلەگە بارۋ ءۇشىن ولارعا مىندەتتى تۇردە OFAC ليتسەنزياسى قاجەت بولماق. جاقسى اكتيۆتەردى باسقا بانككە ساتقاننان كەيىن رەسەيلىك ەنشىلەس بانكتەردىڭ پورتفەل ساپاسى تومەندەيدى. ولاردىڭ اكتيۆتەرىنە قىزىعاتىن Halyk Bank عانا ەمەس. كوپتەگەن بانك مەيلىنشە ساپالى اكتيۆتەردى نەمەسە ساتىپ الۋشى بانكتەردىڭ پورتفەلىندەگى قارىز الۋشىلاردى ساتىپ الۋعا تىرىسادى. رەسەيلىك بانكتەر نەعۇرلىم ينۆەستور ىزدەگەن سايىن, ولاردىڭ قۇنى دا سوعۇرلىم تومەندەي بەرمەك», دەپ پىكىر بىلدىرەدى RiskTakersKZ ساراپشىلارى.
Freedom Finance راسىمەن رەسەيلىك ەنشىلەس بانكتەرگە قىزىعىپ وتىر دەگەننىڭ وزىندە, ولاردى اسىراي الاتىنداي الەۋەتى جوق دەپ بىلەدى كانال ەكسپەرتتەرى.
«FF Kassa Nova-نى ساتىپ الدى, بىراق ءالى كۇنگە تۇسىنىكتى بيزنەس مودەل قالىپتاستىرا قويعان جوق. ولاردا بەلسەندىلىكتىڭ باسىم بولىگى باعالى قاعازدار باعىتىنا جۇمسالىپ جاتىر. كىشكەنتاي بانكتىڭ ورنىقتىلىعىن قامتاماسىز ەتە الۋ ءۇشىن اكتسيونەردە قاجەتتى كاپيتال بولۋعا ءتيىس. بۇل – اكتسيونەر اۋىستىرۋعا بايلانىستى قاداعالاۋشىنىڭ كەلىسىمىن الار ساتتەگى ەڭ باستى شارت. ەگەر وسى جاعدايلار قاڭتارعا دەيىن بولعان بولسا بالكىم, Jusan ءوز قالاۋىن كورسەتەر مە ەدى. بىراق ءدال قازىر ولاردىڭ ءوز قيىندىعى ءوز باسىنا جەتىپ ارتىلادى. رەسەيلىك بانكتەردىڭ جاڭا اكتسيونەرى كىم بولارىن تاپ باسىپ ايتۋ قيىن», دەيدى RiskTakers.
