«قازىرگى ۋاقىتتا ىشكى ىستەر ورگاندارى تەرگەۋشىلەرىنىڭ وندىرىسىندە بۇرىن قابىلدانعان شەشىمدەردى ەسكەرمەسەك, 1 260 قىلمىستىق ءىس بار. ونىڭ ىشىندە اۋىر قىلمىس جاساۋ كۇدىگىنە ىلىگىپ, كۇزەتپەن ۇستالىپ وتىرعان 158 ادامعا قاتىستى ءىستىڭ دە بار ەكەنىن اتاپ وتكىم كەلەدى», دەدى ءىىم تەرگەۋ دەپارتامەنتىنىڭ باستىعى سانجار ءادىلوۆ ورتالىق كوممۋنيكاتسيالار قىزمەتىندەگى بريفينگ بارىسىندا.
كۇدىكتى ادامداردىڭ كىناسى نەگىزىنەن قىلمىس جاسالعان ورىنداردا تۇسىرىلگەن بەينەجازبالارمەن, كۋاگەرلەرمەن جانە زاتتاي دايەكتەرمەن دالەلدەنگەن.
«جاقىن ارادا قىلمىستىق پروتسەستىڭ ءۇش بۋىندى مودەلى اياسىندا جانە پروكۋرورلاردىڭ كەلىسۋىمەن وسى قىلمىستىق ىستەر بويىنشا ءتيىستى پروتسەستىك شەشىمدەر قابىلداناتىن بولادى», دەدى دەپارتامەنت باستىعى.
