جىل سايىن قاراعاندى وبلىسىنىڭ ونەركاسىپتىك كاسىپورىندارى 60 ملن تونناعا دەيىن قالدىق شىعارادى. ولاردى پايدالى قاجەتتىلىكتەر ءۇشىن قولدانۋ ماقساتىندا 2019 جانە 2020 جىلدارى ءوڭىردىڭ ءىرى كومپانيالارى وسىنداي مەموراندۋمعا قول قويعان بولاتىن. سونىڭ ارقاسىندا 175 توننا ونەركاسىپتىك قالدىق كادەگە جاراتىلدى. بيىل مەموراندۋم اياسىندا جول فيرمالارى «جەزقازعان – قاراعاندى» اۆتوجولىنىڭ قۇرىلىسىندا 260 توننادان استام قالدىقتى پايدالانۋدى كوزدەپ وتىر.
«ونەركاسىپتىك قالدىقتاردى كادەگە جاراتۋ, اۆتوموبيل جولدارىن سالۋ ماقساتىندا پايدالى قازبالاردى پايدالانۋدى ازايتۋ, لاندشافت پەن ەكوورتانىڭ تۇتاستىعىن ساقتاۋ سياقتى پروبلەمالار شەشىلەدى. ءبىزدىڭ دەپارتامەنتىمىز تۇراقتى نەگىزدە قۇرىلىس كومپانيالارىمەن جۇمىس جۇرگىزۋدە. بولاشاقتا ونەركاسىپتىك قالدىقتاردىڭ ۇلكەن كولەمىن قۇرىلىسقا تارتۋ جوسپارلانۋدا», دەدى قاراعاندى وبلىسى بويىنشا ەكولوگيا دەپارتامەنتىنىڭ وكىلى.
