وڭتۇستىك ەۋروپاعا ساپار اياقتالدى

14-17 مامىر ارالىعىندا قر ءسىم-ءىنىڭ جاۋاپتى حاتشىسى را­پيل جوشىباەۆتىڭ جەتەك­شى­لى­گىن­دەگى دەلەگاتسيانىڭ پورتۋگاليا مەن مالتاعا ساپارى بولدى, دەپ حا­بارلادى ءسىم-ءنىڭ ءباسپاسوز قىزمەتى. ليسسابونعا ساپار ماقساتى ديپلوماتيالىق پاسپورت يەلەرىنە ۆيزالىق تالاپتاردى جويۋ ءجونىن­دەگى قازاقستاندىق-پورتۋگاليالىق كەلىسىمنىڭ كەلىسسوزدەر ۇدەرىسىن اياقتاۋ, ساياسي, ەكونوميكالىق ءجا­نە مادەني-گۋمانيتارلىق سالالار بويىنشا ەكىجاقتى قاتىناستاردى نىعايتۋ, سونىمەن قاتار, ەقىۇ-نى قوسا العاندا حالىقارالىق ۇي­ىمدار فورماتىنداعى ماسەلە­لەر­دى تالقىلاۋ بولدى. سونىمەن قاتار, پورتۋگاليا سىرت­قى ىستەر مينيسترلىگىنىڭ مەم­لەكەتتىك حاتشىسىمەن كە­لىس­سوزدەر بارىسىندا ەقىۇ سىرت­قى ىستەر مينيسترلەرىنىڭ بەيرەس­مي كەزدەسۋىنە دايىندىق, پورتۋ­گا­ليا سىرتقى ىستەر ءمينيسترى لۋي­ش امادۋدىڭ قازاقستانعا سا­پارى جانە وزگە دە بىرقاتار ءما­سەلەلەر قوزعالدى. پورتۋگاليا سىرتقى ساياسات ۆەدومستۆوسىنىڭ باسشىلىعى ءبىز­دىڭ ەلىمىزدىڭ سىرتقى ساياسات جانە ەكونوميكالىق جەتىستىكتەرىمىزگە جوعارى باعا بەردى, قازاقستانمەن جان-جاقتى ىنتىماقتاستىقتى دامىتۋعا قىزىعۋشىلىقتارىن ءبىل­دىرىپ, الداعى ۋاقىتتا دا قازاق­ستاندىق باستامالارعا قولداۋ كورسەتە بەرەتىندىكتەرىن جەتكىزدى. ءسىم دەلەگاتسياسىنىڭ ءوڭتۇس­تىك ەۋروپا ەلدەرىنە جاساعان ساپا­رى 17 مامىر كۇنى مالتا استا­نا­سى – ۆاللەتتەدە جالعاستى. وندا قر ءسىم-ءىنىڭ جاۋاپ­تى حات­شىسى راپيل جوشىباەۆ مالتا ءسىم-ءىنىڭ حاتتاما جانە كونسۋل­دىق قىزمەت دەپارتامەن­تىنىڭ باس ديرەكتورى دجواننا پي­­زاني حانىممەن كەلىسسوزدەر ءجۇر­گىزدى. تاراپتار ءتۇرلى سالالار­داعى ەكى­جاقتى ماسەلەلەردى تال­قىلادى, سو­نىڭ ىشىندە كونسۋلدىق ءوزارا ىق­پالداستىق سالاسى دا نازاردان تىس قالعان جوق. مالتا تاراپى ەكىجاقتى باي­لانىستاردىڭ دامىپ كەلە جات­قا­نىن ەسكەرە وتىرىپ, قازاقستان­­دىق ديپلوماتيالىق پاسپورتتار­دىڭ يەلەرىن ۆيزالىق تالاپتاردان بوساتۋ جونىندە مالتا ۇكىمەتى ءتيىستى شەشىم قابىلداعانى تۋرالى حاباردار ەتتى. ءوز كەزەگىندە ر. جو­شىباەۆ ارىپتەسىنە دوستىق نيەتى ءۇشىن العىسىن ءبىلدىرىپ, قازاقستان دا مەملەكەتتىك ىشكى پروتسەدۋ­رالاردى اياقتاعان سوڭ مالتالىق ديپلوماتيالىق پاس­پورت­تاردىڭ يەلەرىنە ءتيىستى ءتارتىپ ورناتا­تىندىعىن اتاپ ءوتتى. قورىتىندىسىندا قازاقستان­دىق ديپلومات مالتادا قر قۇر­مەتتى كونسۋلىن تاعايىنداۋ نيەتى بار ەكەندىگىن جەتكىزدى. اتال­عان شا­را قازاقستاندىق-مال­تالىق قارىم-قاتىناستىڭ بارلىق با­عى­تىن, ءاسى­رەسە, ساۋدا-ەكونوميكا سا­لا­سىن ەداۋ­ىر بەلسەندىلەندىرەتىنى كۇمانسىز.