سوتتىڭ مالىمەتىنشە, 2021 جىلعى ماۋسىم ايىندا بويجەتكەن جاۋاپكەرمەن مۇسىلمانشا نەكە قيدىرعان. تويدان كەيىن قالىڭدىقتىڭ توركىنى جاساۋ اكەلگەن. الايدا ارادا كەلىسپەۋشىلىكتەر بولىپ, كەيىن ەرلى-زايىپتى اجىراسىپ كەتكەن. دەگەنمەن ەر ادامنىڭ تۋىستارى قىز جاساۋىن قايتارۋدان باس تارتقان. وسىدان كەيىن كەلىنشەك جاساۋدى قايتارۋ ءۇشىن تۇرار رىسقۇلوۆ اۋدانىنىڭ سوتىنا جۇگىنگەن.
ءىستى قاراۋ بارىسىندا تاراپتار داۋدى بىتىمگەرلىك جولمەن شەشۋ تۋرالى كەلىسىمگە كەلگەن. ونىڭ شارتتارىنا سايكەس, جاۋاپكەرلەر 2022 جىلدىڭ 14 ساۋىرىنە دەيىن ارىزدانۋشىعا تىزىمگە سايكەس قىز جاساۋىن ءوز ەركىمەن قايتارۋعا مىندەتتەلدى. ال كەلىنشەك بەلگىلەنگەن مەرزىمدە م ۇلىكتى ءوزى تيەپ, اكەتۋگە مىندەتتى.
مەدياتسيالىق كەلىسىمدى بەكىتۋ تۋرالى سوت ۇيعارىمى زاڭدى كۇشىنە ەندى.
