ءبىزدىڭ بانكتەردەن شوت اشىپ جاتىر

اقش بيلىگى سانكتسياعا ۇشى­را­عان قازاقستاندىق «سبەر­بانك» پەن Sberbank Europe AG-عا وپەراتسيالاردى اياقتاۋ ءۇشىن ءۇش اي مۇرسات بەرىپ وتىر. OFAC (اقش شەتەلدىك اكتيۆتەردى با­قى­لاۋ باسقارماسى – رەد) جاريا­لاعان باس ليتسەنزيا 2022 جىل­دىڭ 12 شىلدەسىنە دەيىن رەسەي «سبەربانكىنىڭ» ەنشىلەس ۇيىم­دارىمەن وپەراتسيالاردى قىس­قار­تۋعا مۇمكىندىك بەرەدى. ال «سبەربانكتىڭ» ءوزى جانە ونىڭ وزگە دە بولىمدەرىمەن وپە­راتسيالار OFAC ليتسەنزياسى­نا سايكەس 13 ساۋىرگە دەيىنگى ءتامام بولۋى ءتيىس. سونىمەن قا­تار Sberbank CIB USA ءۇشىن دە ارنايى ليتسەنزيا بار. ول بو­يىنشا كەلىسىمدەردى اياق­ت­اۋعا 7 ماۋ­سىمعا دەيىن ۋا­قىت بار.

اقش 6 ءساۋىر كۇنى «سبەر­بانك­كە» قاتىستى بۇعاتتاۋ سانكتسيالارىن ەنگىزگەن ەدى. سانكتسيا ايا­سىندا بانكتىڭ اقش-تاعى اك­تيۆتەرىنە شەكتەۋ قويىلادى. سون­داي-اق امەريكالىق ازاماتتار بۇل بانك ارقىلى ەشقانداي وپەراتسيالاردى جۇزەگە اسىرا المايدى.

ارينە, رەسەيلىك بانكتەردىڭ شايقالۋى ونىڭ كليەنتتەرىن دە بەي-جاي قالدىرمايدى. قارجى نارىعىن رەتتەۋ جانە دامىتۋ اگەنتتى­گىنىڭ حابارلاۋىن­شا, قا­زىر­­دىڭ وزىندە قازاقستاندىقتار اتال­عان ءۇش بانكتەن 1,82 ترلن تەڭ­گەسىن قايتارىپ العان. كلي­ەنت­­­­تەردىڭ جاپپاي تەرىس اي­نالۋى جانە دۇركىن-دۇركىن سوق­قان سانكتسيا بانك قىزمەتىنە دە كەرى اسەر ەتەدى. ءتىپتى «الفا-بانك» جاڭا اكتسيونەر ىزدەي­تىنىن مالىم­دەدى. بانكتىڭ باس­قا­رۋشى ديرەكتورى اندرەي تيم­چەن­كو­نىڭ ايتۋىنشا, بىرقاتار بانكتەرمەن «الفا-بانكتى» ساتۋ ما­سە­لەسى بويىنشا كەلىسسوز ءجۇ­رىپ جاتىر.

«بانك اكتسيونەرىن اۋىستىرۋ ماسەلەسى بويىنشا بىرقاتار ينۆەستورمەن كەلىسسوز جۇرگىزىپ جاتىرمىز. 10-نان استام ينۆەستور ءبىزدىڭ قارجىلىق ەسەبىمىز بەن قۇجاتتارىمىزدى قاراپ جاتىر. الداعى بىرەر كۇندە نەمەسە اپتا كولەمىندە جاڭا اكتسيونەرمەن كەلىسىمگە كەلەمىز دەپ سەنەمىن», دەدى ا.تيمچەنكو.

سونىمەن بىرگە بانك 100 ملرد تەڭگە كولەمىندەگى نەسيە پورتفەلىن دە ساتۋدى جوسپارلاپ وتىرعان كورىنەدى. ۇلتتىق بانك­ت­­ىڭ مالىمەتى بويىنشا, قازىر بانكتىڭ اكتيۆى 908,6 ملرد تەڭگە كولەمىندە. ال قارىز پورتفەلى – 564,3 ملرد تەڭگە.

ءۇش ەنشىلەس رەسەيلىك بانك­تەر­دەگى كليەنتتەر دەپوزيت­تە­رى­نىڭ بانك جۇيەسىنىڭ جالپى دە­پوزيتتىك پورتفەلىندەگى ۇلەسى بيىل جىل باسىنان بەرى 14,1-دەن 6,1 پايىزعا دەيىن تومەن­دە­گەن. سوعان قاراماستان قارجى نارىعىن رەتتەۋ جانە دامىتۋ اگەن­تتىگى بىلاي جۇباتادى: «قا­زىر رەسەيلىك ەنشىلەس بانكتەر­دە ءتيىستى قۇرالدار مەن وتىم­دىلىك پوتەنتسيالى بار. بانك كليەنت­تەرى ءۇشىن الاڭداۋعا نەگىز جوق. تۇ­راقتى رەجىمدە بانك قىزمەت­تەرىن ۇزدىكسىز كورسەتۋ ءۇشىن ولار­دا بارلىق مۇمكىندىك بار. سونىڭ ىشىندە كليەنتتەر ا­ق­شا­سىن اۋدارۋ جانە تولەمدەر بو­يىنشا تاپسىرمالاردى ءوز ۋاقىتىندا ورىنداي الادى».

ال كۇندەلىكتى ومىردە دە, الەۋ­­مەت­تىك جەلىدە ازاماتتار اتا­ل­عان ءۇش بانكتە كەيبىر وپە­را­تسيالاردى ورىنداي الماي جاتقانىن ايتىپ شاعىم بىل­دى­رۋدە. رەسمي اگەنتتىك قانشا جەردەن ەنشىلەس بانكتەردى قور­عاش­تاي سويلەگەنىمەن, ونىسى شىن­دىق­قا جاناسا قويماسى ءسات ساناپ ايقىندالىپ كەلە جاتقانداي. ونى بىلاي قويعاندا, ءتىپتى رە­سەي مەن بەلارۋس ازاماتتارى قازاق­ستاندىق ەكىنشى دەڭگەيلى بانك­تەردەن شوت اشا باستاعان دەگەن اقپارات بار.

«2022 جىلدىڭ 24 اقپانىنان بەرى رەسەي جانە بەلارۋس رەزي­دەنت­تەرى – جەكە تۇلعالار ءۇشىن قازاقستاندىق بانكتەردە 11 940 شوت اشىلدى. ونىڭ 10 725-ءى ءوتىنىش بەرۋشىنىڭ ءوزىنىڭ جانە قازاقستاندىق بانكتەگى سەنىمدى وكىلىنىڭ قاتىسۋىمەن, 1 215 شوت قاشىقتان اشىلعان. ناتيجەسىندە, قازاقستان رەس­پۋب­ليكاسىنىڭ بانكتەرىندە شوت اشقان اتالعان ەلدەر ازامات­تا­رىنىڭ سانى 162 مىڭعا جەتتى», دەپ مالىمدەيدى قارجى نارىعىن رەتتەۋ جانە دامىتۋ اگەنتتىگى.

ال جىل باستالعالى 7 رە­سەي­­لىك كومپانيانىڭ شوتى اشى­­لىپتى. جالپى العاندا, قا­زاق­ستاندىق بانكتەردە شوتى بار رەسەيلىك ۇيىمدار سانى 805-كە جەتكەن.