فوتو: كونستانتين شەلكوۆ
بۇل تۋرالى وبلىستىق ءماسليحاتتىڭ XII كەزەكتى سەسسياسىندا وڭىرلىك ۆەتەريناريا باسقارماسىنىڭ باسشىسى قايىرجان بايجانوۆ ءمالىم ەتتى.
- اۋىلدىق ۆەتەريناريالىق پۋنكتتەردىڭ ساپالى ينتەرنەتكە قول جەتكىزۋ ماسەلەسى شەشىلمەگەن كۇيىندە قالىپ وتىر. مەملەكەت باسشىسى قاسىم-جومارت كەمەل ۇلى توقاەۆ ءوزىنىڭ قازاقستان حالقىنا جولداۋىندا: «ەڭ الدىمەن, تسيفرلىق تەڭسىزدىكتى جويۋ, ينتەرنەتكە بارىنشا قولجەتىمدىلىكتى جانە بارلىق ازاماتتاردىڭ ساپالى بايلانىسىن قامتاماسىز ەتۋ قاجەت» ەكەنىن اتاپ وتكەن بولاتىن. تسيفرلىق تەڭسىزدىك اۋىل شارۋاشىلىعى جانۋارلارىن بىردەيلەندىرۋ اقپاراتتىق جۇيەسى جۇمىستىڭ ءجيى بۇزىلۋىنا ىقپال ەتەدى. سونداي-اق ەنگىزىلگەن دەرەكتەردىڭ جوعالۋىنا اكەلەدى, - دەدى ق. بايجانوۆ.
باسقارما باسشىسىنىڭ ايتۋىنشا, وبلىستا 499948 باس ءىرى قارا مال, 563758 باس ۇساق مال جانە 218004 باس جىلقى تىركەلگەن.
2022 جىلعى جوسپارعا سايكەس 162104 باس ءىرى قارا مال, 179465 باس ۇساق مال, 41828 جىلقى ءتولىن سايكەستەندىرۋ جوسپارلانعان.
