الماتىداعى جەتىسۋ ىقشام اۋدانىندا ورنالاسقان كوپقاباتتى تۇرعىن ۇيلەردىڭ بىرىنەن 28 جاستاعى كەلىنشەك ءۇش پەرزەنتىمەن سەكىرىپ كەتكەن بولاتىن. ارتىنشا بۇل جايتقا بايلانىستى قىلمىستىق كودەكستىڭ 105 بابىمەن ء(وزىن-ءوزى ولتىرۋگە دەيىن جەتكىزۋ) تەرگەۋ جۇمىستارى باستالعان.
«اۋەزوۆ اۋداندىق پوليتسيا باسقارماسىمەن اتالعان دەرەك بويىنشا قىلمىستىق كودەكستىڭ 105-بابىمەن قىلمىستىق ءىس تىركەلدى. ناتيجەسىندە قىلمىس قۇرامىنىڭ بولماۋىنا بايلانىستى قىلمىستىق ءىس توقتاتىلدى», دەدى قالالىق پد ءباسپاسوز قىزمەتى.
ەسكە سالايىق, قايعىلى جاعداي وتكەن جىلدىڭ قاراشا ايىندا بولعان ەدى. 28 جاستاعى باقتىگۇل قىدىرباەۆا 2015, 2016 جانە 2019 جىلى تۋعان ۇش بالاسىمەن 9-قاباتتان سەكىرىپ كەتكەن. كەيىن كەلىنشەكتىڭ مۇنداي قادامعا وتباسىلىق جانجالدان بارعانى بەلگىلى بولدى.
