ايماق پوليتسياسىنىڭ مالىمەتىنشە, اقپان ايىنىڭ سوڭىنان تۇزدىباستاۋ, گۇلدالا, قىزىل تۋ جانە پانفيلوۆ كەنتتەرىندە ورنالاسقان مەشىت قىزمەتكەرلەرىنەن شاعىمدار تۇسە باستاعان. قورعانىس ماسكاسىن قولدانعان قىلمىسكەردىڭ ارەكەتىن كوشەدەگى بەينەباقىلاۋ كامەراسى تۇسىرگەن. بۇگىنگى تاڭدا كۇدىكتىنىڭ 16 ۇرلىققا قاتىسى بار ەكەندىگى دالەلدەندى.
«كۇدىكتى كەشكى ناماز ۋاقىتىن پايدالانىپ, كەلگەن ادامداردىڭ قولما-قول اقشا, ۇيالى تەلەفوندار مەن قۇندى زاتتارىن ۇرلاعان. سونىمەن قاتار مەشىت قاسىنداعى اۆتوكولىكتەردىڭ اينەگىن سىندىرىپ, توناپ كەتكەن. قىلمىسكەر ەسىك قالاسىنىڭ 25 جاستاعى تۇرعىنى ەكەنى انىقتالدى. ول بۇرىن دا ۇرلىق جاساعانى ءۇشىن جاۋاپقا تارتىلعان. قازىر ۇستالعان ازامات ءوڭىر اۋماعىنداعى باسقا دا وسىعان ۇقساس ۇرلىقتارعا قاتىسى بار-جوعى تەكسەرىلۋدە», دەدى تالعار اۋداندىق پوليتسيا باستىعىنىڭ ورىنباسارى اندرەي بۋريانسكي.
تەرگەۋ كەزىندە كۇدىكتى قاماۋدا بولادى.
ايانا توعانبەك
