«قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ 2015-2021 جىلدار ارالىعىنداعى رەسمي دەرەكتەرىنە سايكەس قابىلدانعان شارالار بالالاردىڭ سۋيتسيد دەڭگەيىن 12,5%-عا, ياعني 201-دەن 175 جاعدايعا دەيىن تومەندەتۋگە مۇمكىندىك بەردى. سونىمەن قاتار 2021 جىلدىڭ قورىتىندىسى بويىنشا 2020 جىلمەن سالىستىرعاندا بالالار ءسۋيتسيدىنىڭ 21,5%-عا ءوسۋى تىركەلگەن. دالىرەك ايتقاندا, 144-تەن 175 جاعدايعا دەيىن», دەپ ايتتى توعجانوۆ.
ونىڭ سوزىنشە, 2021 جىلى كورسەتكىشتەردىڭ وسۋىنە بايلانىستى بالالار اراسىندا سۋيتسيد فاكتىلەرى مەن ارەكەتتەرىن بولدىرماۋ جونىندەگى شارالار ازىرلەۋ بويىنشا ۆەدومستۆوارالىق جۇمىس توبى بەكىتىلدى جانە 2021-2022 جىلدارعا ارنالعان ءىس-شارالار جوسپارى ازىرلەندى.
«بايلانىس تۋرالى» جانە «اقپاراتتاندىرۋ تۋرالى» زاڭدارعا الەۋمەتتىك جەلىلەرگە ارنالعان «ونلاين-پلاتفورما», مەسسەندجەرلەر ءۇشىن – «شۇعىل حابارلامالارمەن الماسۋ سەرۆيسى» تۇسىنىكتەرىن ەنگىزۋ جولىمەن ينتەرنەت جەلىسىندە قۇقىققا قايشى كونتەنتكە قارسى ءىس-قيمىل بويىنشا زاڭنامالىق شارالاردى بەكىتۋدى رەتتەيتىن تۇزەتۋلەر ەنگىزىلەدى, سونداي-اق كامەلەتكە تولماعاندار اراسىندا بۋللينگكە (كيبەربۋللينگكە) قارسى ءىس-قيمىل جونىندەگى نەگىزگى تەتىكتەر بەكىتىلەدى», دەلىنگەن ەرالى توعجانوۆتىڭ دەپۋتاتتارعا بەرگەن جاۋابىندا.
