فوتو: Zakon.kz
«تەرگەۋ انىقتاعانداي, قىلمىستىق توپ 5-6 قاڭتاردا الماتى قالاسىنىڭ كوشەلەرىندە ازاماتتاردى ۇرىپ-سوعىپ, ەركىنەن تىس «قازاقستان» عيماراتىندا ورنالاسقان Ball Room مەيرامحاناسىنىڭ, سونداي-اق Esentai Tower بيزنەس ورتالىعىنىڭ اۆتوتۇراعىندا ۇستاعان. كەيىن ۇستالعانداردىڭ ءبىرى العان جاراقاتتارىنان كوز جۇمدى», دەپ جازدى الماتى پوليتسيا دەپارتامەنتىنىڭ ءباسپاسوز قىزمەتى.
ۆەدومستۆو وكىلى زارداپ شەككەندەردىڭ كوپشىلىگىنىڭ اتى-ءجونى انىقتالعانىن, تەرگەۋ امالدارى جۇرگىزىلگەنىن مالىمدەدى. الايدا بولعان وقيعالاردىڭ تولىق كورىنىسىن انىقتاۋ ءۇشىن كۋالار مەن جابىرلەنۋشىلەردىڭ ايعاقتارى قاجەت.
وسى قىلمىستىق ارەكەتتەردەن زارداپ شەككەندەردىڭ بارلىعىن, سونداي-اق وسى وقيعالاردىڭ كۋاگەرلەرىن الماتى قالالىق پوليتسيا دەپارتامەنتى الماتى قالاسى پروكۋراتۋراسىنىڭ مىنا مەكەنجايداعى عيماراتىنا كەلۋىن سۇرايدى: جەلتوقسان كوشەسى, 189. بايلانىس تەلەفوندارى: +7 775 888 03 65; +7 775 644 95 96.
اقپان ايىنىڭ سوڭىندا الەۋمەتتىك جەلىدە ارمان جۇماگەلديەۆكە (ديكي ارمان) ۇقسايتىن ەر ادام بەينەلەنگەن ۆيدەو پايدا بولدى. قوناق ءۇي فويەسىندە تۇسىرىلگەن ۆيدەودا بەلگىسىز ەر ادامنىڭ سوققىعا جىعىلعانى كورسەتىلگەن. بولجام بويىنشا, كادرلار قاڭتارداعى ب ۇلىك كەزىندە تۇسىرىلگەن.
