فوتو: Zakon.kz
الماتى وبلىسىنىڭ تجد ءباسپاسوز قىزمەتى مالىمدەگەندەي, 7 ءساۋىر كۇنى ساعات 02:00-دە تالعار قالاسىنداعى ايتەكە بي كوشەسىنىڭ بويىندا ورنالاسقان امبەباپ بازار اۋماعىندا كونتەينەرلىك ساۋدا ورنى ورتەنىپ جاتقانى تۋرالى حابارلاما تۇسكەن.
شاقىرۋ ورنىنا جوعارى دارەجەلى ءورت ءسوندىرۋ ماماندارى جىبەرىلدى.
ءورت 03:51-دە ءسوندىرىلدى, ال 05:00-دە تولىق اۋىزدىقتالدى. الدىن الا بولجام بويىنشا 900 شارشى مەتر اۋماق ورتكە ورانعان. قۇرباندار مەن زارداپ شەككەندەر جوق.
ءورت سوندىرۋشىلەر ءورتتىڭ بازاردىڭ بارلىق اۋماعىنا تارالۋىنا توسقاۋىل قويىلدى (امبەباپ بازاردىڭ جالپى اۋدانى 8330 ش.م.).
ءورتتىڭ سەبەبىن انىقتاۋ ءۇشىن وقيعا ورنىنا الماتى وبلىسى توتەنشە جاعدايلار دەپارتامەنتىنىڭ عىلىمي-زەرتتەۋ ءورت سىناق زەرتحاناسى جىبەرىلدى.
ءورتتى سوندىرۋگە الماتى وبلىسى توتەنشە جاعدايلار دەپارتامەنتىنىڭ 25 قىزمەتكەرى, الماتى قالاسى توتەنشە جاعدايلار دەپارتامەنتىنىڭ التى قىزمەتكەرى, پوليتسيا قىزمەتكەرلەرى, جەدەل جاردەم بريگادالارى جانە باسقا دا ماماندار قاتىستى.
