حالىقارالىق كورمەنى وتكىزۋگە ەنەرگەتيكا مينيسترلىگى, اتىراۋ وبلىسىنىڭ اكىمدىگى, «قازمۇنايگاز» ۇك» اق, «Kazenergy» قاۋىمداستىعى, «KazService» وداعى, «Petrocouncil» جانە «قازاقستان مۇناي-گاز گەولوگتارى» قوعامى قولداۋ ءبىلدىردى. وعان قازاقستاننان وزگە بەلارۋس, نيدەرلاندى, رەسەي, اقش جانە تۇركيا ەلدەرىنەن 60-تان استام كومپانيا قاتىسىپ جاتىر. بۇلاردىڭ ءبارى – مۇناي-گاز جابدىقتارىن, جەكە جانە ونەركاسىپتىك قورعانىس قۇرالدارىن وندىرۋشىلەر, اۆتوماتيكا, باقىلاۋ-ولشەۋ اسپاپتارى بويىنشا, مۇناي-گاز ءوندىرۋ ىسىنە قىزمەت كورسەتەتىن كومپانيالار.
كورمەگە اتىراۋ وبلىسىنان 14 كاسىپورىن قاتىسسا, قازاقستاندىق كومپانيالاردىڭ سانى – 45. بيىل باشقۇرتستان رەسپۋبليكاسى مەن رەسەيدەگى ياروسلاۆل وبلىسى العاش رەت ۇجىمدىق ەكسپوزيتسيا ۇسىندى.
