Finprom.kz جازۋىنشا, شەت مەملەكەتتەردەن جىبەرىلگەن قاراجاتتىڭ ۇشتەن ەكىسى دوللارمەن اۋدارىلعان. 2022 جىلدىڭ قاڭتارىنداعى دەرەك بويىنشا, دوللارمەن اۋدارىلعان قاراجات بۇكىل كولەمنىڭ 63,9 پايىزىن قۇرايدى. اۋدارىمداردىڭ 25 پايىزى تەڭگەگە تيەسىلى. ال رۋبلمەن جىبەرىلەتىن اۋدارىمدار وسىمەن ءتورتىنشى جىل قاتارىنان قىسقارىپ كەلەدى. 2022 جىلدىڭ قاڭتارىندا رەسەي اقشاسىمەن كەلگەن قاراجات نەبارى 6,1 پايىز بولعان. اۋدارىمدارداعى ەۋرونىڭ ۇلەسى – 4,9 پايىز.
امەريكا ۆاليۋتاسىمەن كەلگەن ءبىر اۋدارىمنىڭ ورتاشا چەگى سوڭعى ءبىر جىلدا 780-نەن 758 دوللارعا ازايعان. تەڭگەمەن كەلگەن ءبىر اۋدارىمنىڭ ورتاشا چەگى 127,7-دەن 190,9 مىڭ تەڭگەگە كوبەيگەن. رۋبلمەن جاسالعان اۋدارىمداردىڭ دا ورتاشا چەگى 22,5-تەن 23,6 مىڭ رۋبلگە كوبەيىپتى. ەۋرو ۆاليۋتاسىنداعى اۋدارىمداردىڭ ورتاشا چەگىندە 436-دان 400 ەۋروعا دەيىن تومەندەۋ بايقالادى.
قارجى اۋدارىمى جۇيەسى ارقىلى جىبەرىلگەن اقشانىڭ باسىم بولىگى وزبەكستاننان كەلگەن – 2,5 ملرد تەڭگە. ودان كەيىن وڭتۇستىك كورەيا (2,1 ملرد تەڭگە) جانە اقش (1,9 ملرد تەڭگە) تۇر. بۇعان دەيىنگى مەرزىمدەردە ليدەر بولىپ كەلگەن رەسەي 1,6 ملرد تەڭگەمەن ءتورتىنشى پوزيتسياعا ورنالاسقان.
