اڭگىمە باسىندا مەملەكەتتەر باسشىلارى ءبىرىن-ءبىرى قاسيەتتى رامازان ايىنىڭ باستالۋىمەن قۇتتىقتادى.
كوشباسشىلار قازاقستان مەن قاتار اراسىنداعى ىنتىماقتاستىقتىڭ قازىرگى جاعدايىن تالقىلاپ, ونى ودان ءارى قاراي دامىتۋدىڭ قولايلى پەرسپەكتيۆالار بار ەكەنىن اتاپ ءوتتى.
تاراپتار ءوزارا ساۋدا-ساتتىقتىڭ وڭ قارقىنىن ودان ءارى ساقتاۋعا جانە ينۆەستيتسيالىق جوبالاردى, سونىڭ ىشىندە بانك جانە قارجى سالالارىنداعى جوبالاردى جۇزەگە اسىرۋعا نيەتتى ەكەنىن ناقتىلادى.
قازاقستان پرەزيدەنتى قاتاردىڭ جەتەكشى بيزنەس وكىلدەرىن ەكونوميكانىڭ باستى سالالارىنداعى بىرلەسكەن جوبالاردى ىسكە اسىرۋعا بەلسەنە اتسالىسۋعا شاقىردى.
قاتار ءامىرى كوپجاقتى ىنتىماقتاستىقتى ودان ءارى كەڭەيتۋگە دايىن ەكەنىن ايتىپ, وسى باعىتتا ناقتى شارالار قابىلداۋ قاجەتتىگىن اتاپ ءوتتى. شەيح تاميم بەن حاماد ءال ءتاني قازاقستانعا جاسايتىن مەملەكەتتىك ساپارىن دايىنداۋ ءۇشىن رەسمي وكىلدەرىن جىبەرۋگە نيەتتى ەكەنىن جەتكىزدى.
