فوتو: pixabay
«جاڭا ەكونوميكالىق ساياسات تومەندەگى باسىمدىقتارعا نەگىزدەلەدى: تۇراقتى ينستيتۋتسيونالدىق رەفورمالار, ادال باسەكەلەستىك جانە ەكونوميكالىق ەركىندىك, ماكروەكونوميكالىق تۇراقتىلىق, ەكونوميكانى ءارتاراپتاندىرۋ, ادامي كاپيتالدى دامىتۋ جانە مەملەكەتتىك باسقارۋ رەفورماسى», - دەدى سجرا باسشىسى اسەت ەرعاليەۆ.
ۆەدومستۆو جاڭا ەكونوميكالىق ساياسات تۇجىرىمداسىن ساراپشىلار قاۋىمداستىعىمەن, كاسىپكەرلەرمەن جانە مەملەكەتتىك ورگاندارمەن تالقىلاپ جاتقانىن مالىمدەدى.
«تولىق اياقتالعان» رەفورمالار پاكەتىن 2022 جىلعى شىلدە ايىندا قارجىلاندىرۋ جوسپارلانعان.
«قازىرگى ۋاقىتتا اگەنتتىك اعىمداعى جاعدايعا جۇيەلى تالداۋ جۇرگىزەدى, ستراتەگيالىق مىندەتتەر مەن تۇپكىلىكتى ناتيجەلەردى قالىپتاستىرادى, رەفورمالار ءۇشىن باسىم باعىتتاردى ايقىندايدى. جۇمىسقا حالىقارالىق ۆاليۋتا قورى, دۇنيەجۇزىلىك بانك, ازيا دامۋ بانكى, يسلام دامۋ بانكى, ەۋروپالىق قايتا قۇرۋ جانە دامۋ بانكى, بۇۇ دامۋ باعدارلاماسى, شەتەلدىك ينۆەستورلار كەڭەسى سياقتى ارىپتەس ۇيىمدار تارتىلدى», - دەپ مالىمدەدى ستراتەگيالىق جوسپارلاۋ جانە رەفورمالار اگەنتتىگىنىڭ ءباسپاسوز قىزمەتى.
بۇدان باسقا, رەفورمالار پاكەتىن ازىرلەۋگە تاۋەلسىز ساراپشىلار, كاسىپكەرلەر قاۋىمداستىعى, سالالىق مەملەكەتتىك ورگاندار مەن زەرتتەۋ ينستيتۋتتارى تارتىلدى.
