كەشە, 1 ءساۋىر كۇنى ساعات 19:00 شاماسىندا قاراعاندى وبلىسى, اقتوعاي اۋداندىق پوليتسيا بولىمىنە اقتوعاي اۋىلىندا ەكى بالانى يت قاپقانى تۋرالى حابارلاما كەلىپ ءتۇستى.
پوليتسيا قىزمەتكەرلەرى 3 جانە 5 جاس ارالىعىنداعى ەكى بالانى وزدەرىنىڭ ءۇيىنىڭ اۋلاسىندا ويناپ جۇرگەندە بوس جۇرگەن يت قاۋىپ العانى انىقتالدى.
«بالالار اۋرۋحاناعا جەتكىزىلدى, بىراق 3 جاستاعى بالا العان دەنە جاراقاتتارىنان كوز جۇمدى. ەكىنشى بالا اۋرۋحاناعا جاتقىزىلدى. اتالعان فاكت بويىنشا اقتوعاي اۋداندىق پوليتسيا ءبولىمى تەرگەۋ جۇرگىزۋدى باستادى», دەلىنگەن پد ءباسپاسوز قىزمەتىنىڭ حابارلاماسىندا.
