بولجامنىڭ ساقتالۋى كاسپي قۇبىر كونسورتسيۋمى قۋاتتارىنىڭ قىسقا مەرزىمگە تومەندەۋىنە نەگىزدەلەدى.
اگەنتتىكتىڭ بولجامىنشا قازاقستاننىڭ ورنىقتى فيسكالدىق پوزيتسياسى مەن اۋقىمدى سىرتقى رەزەرۆتەرى الداعى ەكى جىلدا رەسەيدەگى ەكونوميكالىق قۇلدىراۋدىڭ سالدارىن ءبىرشاما بەيتاراپتاندىرادى.
قازاقستاننىڭ جالپى مۇناي ەكسپورتىنىڭ 70%-عا جۋىعىن ەۋروپاعا تاسىمالدايتىن كقك قۇبىرىنىڭ تيەۋ تەرمينالىنىڭ اۋا-رايىنىڭ قولايسىز جاعدايىنا بايلانىستى زاقىمدانۋى ەلدىڭ ەكونوميكالىق بەلسەندىلىگى مەن ماكروەكونوميكالىق كورسەتكىشتەرىنە قىسقا مەرزىمگە عانا كەرى اسەرىن تيگىزۋى مۇمكىن. وسىعان بايلانىستى, ۇكىمەت تەرمينال جۇمىسىن جەدەل قالپىنا كەلتىرۋدى جوسپارلاپ وتىر, بۇل قازىرگى ەكونوميكالىق جاعدايعا وڭ اسەر ەتەدى.
سونداي-اق, ساراپشىلار قازاقستاننىڭ سىرتقى اكتيۆتەرى قازىرگى ۋاقىتتا ايتارلىقتاي جەتكىلىكتى ەكەنىن, ال جالپى سىرتقى قارجىلاندىرۋعا دەگەن مۇقتاجدىعى سالىستىرمالى تۇردە تومەن ەكەنىن اتاپ ءوتتى. بۇل رەتتە S&P ۆاليۋتا نارىعىنداعى تۇراقسىزدىقتى باسۋ ۇشىن رەزەرۆتەردى قولدانۋ سالدارىنان اتالمىش رەزەرۆتردىڭ كولەمى تومەندەيدى دەپ كۇتۋدە. دەگەنمەن, اگەنتتىك مۇناي مەن التىننىڭ جوعارى باعاسى, سونداي-اق سىرتقى رەزەرۆتەردىڭ جەتكىلىكتى دەڭگەيى قازاقستانعا ورىن الۋى ىقتيمال شوكتاردى تابىستى ەڭسەرۋگە مۇمكىندىك بەرەدى دەپ سانايدى.
تەڭگەدەگى دەپوزيتتەردىڭ تارتىمدىلىعىن ساقتاۋ ماقساتىندا ۇلتتىق بانك ۇكىمەتپەن بىرلەسىپ, بيۋدجەت قاراجاتى ەسەبىنەن ىسكە اسىرىلاتىن تەڭگەلىك دەپوزيتتەردى قورعاۋ مەحانيزمىن قابىلدادى.
سونداي-اق, S&P پىكىرىنشە, رەسەيلىك بانكتەرگە قولدانىلعان سانكتسيالار قازاقستاندىق ەكىنشى دەڭگەي بانكتەرىنىڭ قىزمەتىنە اسەرى شەكتەۋلى اسەر ەتەتىنىن العا تارتتى.
S&P پىكىرىنشە, قىسقا مەرزىمدىك پەرسپەكتيۆادا كرەديت رەيتينگىنىڭ ديناميكاسى كقك-نى قالپىنا كەلتىرۋ جۇمىستارىنىڭ مەرزىمى مەن سىرتقى ەكونوميكالىق قىزمەتتى قولداۋعا بايلانىستى بولادى, ال ۇزاق مەرزىمدىك پەرسپەكتيۆادا رەيتينگ مەملەكەتتىك ينستيتۋتتاردىڭ ساياساتىن ودان ءارى جەتىلدىرۋ مەن بيزنەس-ورتانى جاقسارتۋعا تاۋەلدى بولادى.
