«26 ناۋرىزدا ۇندىستانداعى قر ەلشىلىگىنىڭ كونسۋلدىق بولىمىنە بانگلادەش اۋماعىندا ءبىر كومپانيا قىزمەتكەرلەرى اراسىندا تۇرمىستىق جانجال تۋىنداپ, سالدارىنان قازاقستان ازاماتىنىڭ قازا تاپقانى تۋرالى حابارلاما كەلىپ ءتۇستى. مارقۇم پىشاق جاراقاتىنان كوز جۇمعان», دەپ جازىلعان ءسىم-ءنىڭ ءباسپاسوز قىزمەتى تاراتقان حابارلامادا.
ۆەدومستۆونىڭ حابارلاۋىنشا, ەلشىلىكتىڭ كونسۋلدىق ءبولىمى اتالعان وقيعاعا قاتىستى تولىق اقپاراتتى انىقتاۋ جانە ءمايىتتى قازاقستانعا جەتكىزۋگە كومەكتەسۋ ءۇشىن كومپانيا وكىلدەرىمەن جانە مارقۇمنىڭ تۋىستارىمەن ۇنەمى بايلانىس ۇستاپ وتىر.
«وقىس وقيعا سالدارىنان تاعى ءبىر قازاقستاندىق پىشاقتان زارداپ شەككەن. قازىر ول داككا قالاسىنداعى اۋرۋحانالاردىڭ بىرىندە ەم الىپ جاتىر», دەپ جازىلعان حابارلامادا.
مينيسترلىكتىڭ مالىمەتىنشە, قازاقستاندىقتار بانگلادەشكە رۋپپۋر قالاسىندا اتوم ەلەكتر ستانتسياسىن سالۋمەن اينالىساتىن رەسەيلىك كومپانيادا جۇمىس ىستەۋ ءۇشىن بارعان.
