فوتو: primeminister.kz
ء«ورت قاۋپى بار كەزەڭ بولسا ەندى عانا باستالىپ جاتىر. بىرقاتار وڭىردە تابيعي قورىقتار مەن ورمان شارۋاشىلىقتارىنىڭ اۋماعى جاندى. دالالى جەرلەردە دە ءورت وشاقتارى كۇن سايىن تىركەلەدى. دالادان باستالعان قىزىل جالىن ورمان قورىنا اۋىسۋى مۇمكىن. ورتتەر فلورا مەن فاۋناعا ايتارلىقتاي زيان كەلتىرەدى. بارلىق قىزمەتتەر جەدەل ارەكەت ەتۋگە دايىن بولۋى كەرەك», دەدى ولجاس بەكتەنوۆ.
جيىندا ەكولوگيا جانە تابيعي رەسۋرستار ءمينيسترى ەرلان نىسانباەۆ, تج ءمينيسترى شىڭعىس ءارىنوۆ, جاساندى ينتەللەكت جانە تسيفرلىق دامۋ ۆيتسە-ءمينيسترى مالىك ولجابەكوۆ, سونداي-اق اباي, شىعىس قازاقستان, اقمولا, قوستاناي جانە پاۆلودار وبلىستارىنىڭ اكىمدەرى بايانداما جاسادى.
ەرلان نىسانباەۆتىڭ مالىمەتىنشە, جىل باسىنان بەرى ەلىمىزدە جالپى اۋدانى 794 گەكتاردان اساتىن 36 ورمان ءورتى تىركەلگەن. «قازگيدرومەت» بولجامىنا سايكەس, 2026 جىلدىڭ كوكتەم-جاز ماۋسىمىندا اۋا تەمپەراتۋراسى قالىپتى كورسەتكىشتەن 1-2 گرادۋسقا جوعارى بولادى. ءساۋىردىڭ ەكىنشى جارتىسىندا وڭتۇستىك پەن باتىستا اۋا تەمپەراتۋراسى +25...+35°C-قا دەيىن كوتەرىلۋى مۇمكىن.
وسىعان بايلانىستى ءورت قاۋپىن ازايتۋ جونىندەگى رەسپۋبليكالىق جوسپار جۇزەگە اسىرىلىپ, ەرتە انىقتاۋ جۇيەلەرى ەنگىزىلىپ جاتىر.
تج ءمينيسترى شىڭعىس ءارىنوۆتىڭ ايتۋىنشا, ەل بويىنشا 50 مىڭنان استام جەكە قۇرام جانە 11 مىڭ تەحنيكا دايىندىققا كەلتىرىلگەن. سونىمەن قاتار 5 مىڭنان استام قىزمەتكەر, 853 تەحنيكا, 26 اۋە كەمەسى جانە 218 ۇشقىشسىز ۇشۋ اپپاراتى جۇمىلدىرىلعان.
ءورتتى ەرتە انىقتاۋ جانە باسقارۋدى جەدەلدەتۋ ءۇشىن تسيفرلىق جانە عارىشتىق مونيتورينگ 24/7 رەجيمىندە جۇرگىزىلىپ جاتىر.
جاساندى ينتەللەكت جانە تسيفرلىق دامۋ مينيسترلىگى ءورتتى بولجاۋ جۇيەلەرىن ەنگىزىپ جاتىر. اتاپ ايتقاندا, Tasqyn جۇيەسىندە ءورت قاۋىپتىلىك كارتالارى ىسكە قوسىلىپ, جىلۋ نۇكتەلەرىن وڭدەۋ ۋاقىتى 20-30 مينۋتقا دەيىن قىسقارتىلعان.
اباي وبلىسىندا جىل باسىنان تىركەلگەن 2 ورمان ءورتى زارداپسىز جويىلعان. شىعىس قازاقستان, اقمولا, قوستاناي جانە پاۆلودار وبلىستارىندا دا دايىندىق كۇشەيتىلىپ, تەحنيكا مەن اۋە پاترۋلدەرى ىسكە قوسىلعان.
الايدا كەيبىر وڭىرلەردە تازارتۋ جۇمىستارى تولىق اياقتالماعان, بۇل ەلدى مەكەندەر ءۇشىن قاۋىپ توندىرەدى.
ولجاس بەكتەنوۆ «سەمەي ورمانىندا» جي نەگىزىندەگى ءورتتى ەرتە انىقتاۋ جۇيەسىن تەكسەردى
وتىرىستىڭ قورىتىندىسىندا ولجاس بەكتەنوۆ بىرقاتار ناقتى تاپسىرما بەردى:
- وڭىرلەردى اۆياپاترۋلدەۋمەن تولىق قامتاماسىز ەتۋ;
- اۋە كەمەلەرىن سۋ شاشاتىن قۇرىلعىلارمەن جابدىقتاۋ;
- ۇشقىشسىز اپپاراتتاردى كەڭىنەن پايدالانۋ;
- جەدەل شتاب قۇرىپ, 24/7 مونيتورينگ جۇرگىزۋ;
- ءورت قاۋپى جوعارى اۋماقتاردى تازارتۋ جانە مينەرالدى جولاقتار جاساۋ.
سونىمەن قاتار ىشكى ىستەر مينيسترلىگىنە ورمانداردا ازاماتتاردىڭ دەمالۋىنا شەكتەۋ قويۋ, رەيدتەر ۇيىمداستىرۋ جانە ءورت قاۋىپسىزدىگىن بۇزۋشىلاردى جاۋاپكەرشىلىككە تارتۋ تاپسىرىلدى.
«اكىمدىكتەرمەن بىرلەسىپ, ءورت قاۋىپسىزدىگى تالاپتارىن تولىق ورىنداۋ قاجەت. بارلىق جۇمىستار بەلگىلەنگەن مەرزىمدە جۇزەگە اسىرىلسىن», دەپ تاپسىردى پرەمەر-مينيستر.
ءورت قاۋپى جوعارى كەزەڭدە بارلىق جۇمىستاردىڭ ورىندالۋىن ۇيلەستىرۋ پرەمەر-ءمينيستردىڭ ورىنباسارى قانات بوزىمباەۆقا جۇكتەلدى.
ولجاس بەكتەنوۆكە الاكولدى دامىتۋدىڭ كەشەندى جوسپارى تانىستىرىلدى
