«بىزدە مەملەكەتتىك جالپىعا مىندەتتى ستاندارت بار, ول مەنشىك نىسانىنا قاراماستان بارلىق ۇيىمدار ءۇشىن بىردەي. وقۋ جىلى 25-ءشى مامىردا اياقتالادى. مەن كەشە ءتيىستى بۇيرىققا قول قويدىم. بىراق, سوعان قاراماستان, قاڭتار ايىندا بەلگىلى ءبىر ۋاقىت ىشىندە وبەكتيۆتى جاعدايلار بويىنشا وقۋشىلار ءتيىستى ءبىلىم الا الماعانىن دا ەسكەرەمىز. جالپى, پاندەميا باستالعالى بەرى ءبىلىم بەرۋ جۇيەسى قيىندىقتارعا تاپ بولدى. وسىعان بايلانىستى وتكەن جىلى بىزدە جازعى مەكتەپ وتكىزۋ تاجىريبەسىن قولعا العان ەدىك», دەدى اسحات ايماعامبەتوۆ.
ءمينيستردىڭ ايتۋىنشا, كوپتەگەن ەلدەردە جازعى مەكتەپتەر جۇمىس ىستەيدى, ولاردىڭ كەيبىرەۋلەرى وقۋ جىلىنىڭ ۇزاقتىعىن ارتتىرادى.
ء«بىز دە وسى جىلى, وتكەن جىلداعىداي, بالالارىمىز ءۇشىن جازعى مەكتەپ وتكىزەمىز دەپ ايتامىز. بۇل بالالار ءوز بىلىمدەرىن شىڭداپ, ءبىزدىڭ مۇعالىمدەرمەن بىرگە جۇمىس ىستەۋگە قوسىمشا مۇمكىندىك الۋى ءۇشىن قاجەت. ايتا كەتسەم, بۇل قوسىمشا شىعىندارعا اكەلمەيدى», دەدى مينيستر.
ەسكە سالا كەتسەك, قاڭتار ايىندا جاپپاي تارتىپسىزدىككە بايلانىستى قازاقستاندىق وقۋشىلار مەن ستۋدەنتتەردىڭ قىسقى دەمالىسى ۇزارتىلعان ەدى.
