ء«بىز ءوزىمىزدىڭ اۆتوونەركاسىبىمىزگە ەرەكشە نازار اۋدارا باستادىق. وتاندىق اۆتوكولىكتەردىڭ باعاسى تۇراقتى بولۋى ءۇشىن بارلىق شارالاردى قابىلداپ جاتىرمىز. جەڭىلدەتىلگەن اۆتونەسيەلەۋ بويىنشا قۇنى 10 ملن تەڭگەگە دەيىنگى كولىكتى نەسيەگە الۋعا بولادى. ودان دا قىمبات ماشينا ساتىپ الۋ قۇقىعى بار, بىراق ايىرماشىلىعىن نەسيەنى العان ادام ءوز قاراجاتىنان تولەيدى. ءساۋىر ايىنىڭ سوڭىنا دەيىن بۇل ماسەلە شەشىمىن تاۋىپ, كولىكتەر 4% جەڭىلدىكپەن نەسيەلەندىرىلەتىن بولادى دەپ ويلايمىن», دەدى قر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ.
مينيستر قازاقستاندىق اۆتوكولىكتەردىڭ باعاسىن ءوسۋ جوسپاردا جوق ەكەنىن ايتتى.
«بىراق باعالار ءالى دە تۇراقسىز ەكەنىن ايتا كەتۋ كەرەك. باعالار كۇن سايىن وزگەرەدى. سوندىقتان ەرتەڭ قانداي باعا بولاتىنىن ايتۋ قيىن. بىرقاتار پوزيتسيالار بويىنشا ءتىپتى تومەندەۋ ءۇردىسى دە بايقالادى», دەدى ۆەدومستۆو باسشىسى.
