ەسكە سالايىق, كوللەكتورلىق اگەنتتىكتەردىڭ ورنىقتىلىعىن قامتاماسىز ەتۋ ءۇشىن 2021 جىلى «كوللەكتورلىق قىزمەت تۋرالى» زاڭدا كوللەكتورلىق اگەنتتىكتەردىڭ جارعىلىق كاپيتالىنىڭ ەڭ تومەن مولشەرى تۋرالى نورما بەلگىلەنگەن.
«نارىقتى شوعىرلاندىرۋ جانە كوللەكتورلىق قىزمەتتەردىڭ ساپاسىن ارتتىرۋ ماقساتىندا اعىمداعى جىلعى 22 اقپاندا جۇمىس ىستەپ تۇرعان كوللەكتورلىق اگەنتتىكتەر ءۇشىن جارعىلىق كاپيتالدىڭ مولشەرىن كەزەڭ-كەزەڭمەن ارتتىرۋدى كوزدەيتىن اگەنتتىك باسقارماسىنىڭ №8 قاۋلىسى قابىلداندى: 2022 جىلعى 1 شىلدەدەن باستاپ – 30 ملن تەڭگە, 2023 جىلعى 1 قاڭتاردان باستاپ – 50 ملن تەڭگە. بۇل رەتتە جاڭادان اشىلعان كوللەكتورلىق اگەنتتىكتەر ءۇشىن جارعىلىق كاپيتالدىڭ ەڭ تومەن مولشەرى 50 ملن تەڭگەنى قۇرايدى», دەلىنگەن حابارلامادا.
قازىرگى ۋاقىتتا جارعىلىق كاپيتالعا قويىلاتىن ەڭ تومەن تالاپتاردى ورىنداماعان كوللەكتورلىق اگەنتتىكتەرگە قاتىستى اگەنتتىك ولاردىڭ قىزمەتىن توقتاتۋ بويىنشا جۇمىس جۇرگىزۋدە.
