قاڭتاردا ىزدەنۋشىلەر ورنالاستىرعان تۇيىندەمەلەردىڭ سانى بوس ورىندار سانىنان 1,9 مىڭعا اسىپ كەتسە, اقپان ايىندا بوس ورىندار مەن جۇمىس ىزدەپ جۇرگەن ادامدار اراسىنداعى الشاقتىق بوس ورىندار پايداسىنا 17,7 مىڭدى قۇرادى. وتكەن ايمەن سالىستىرعاندا ەەب-داعى بوس ورىندار سانى 4 مىڭعا ءوستى, ال تۇيىندەمە 15,6 مىڭعا ازايدى.
اقپاندا وڭىرلىك تالداۋ تەك بەس وڭىردە ەەب-تە بوس ورىندار سانىنىڭ تومەندەگەنىن كورسەتەدى: شىمكەنت قالاسىندا (-37% نەمەسە 1,3 مىڭ بوس جۇمىس ورىنعا), جامبىل وبلىسىندا (-14% نەمەسە 400 بوس جۇمىس ورىنعا), نۇر-سۇلتان قالاسىندا (-13,7% نەمەسە 1,3 مىڭ بوس جۇمىس ورنى), قىزىلوردا (-12,3% نەمەسە 200 بوس جۇمىس ورىنعا) جانە اقتوبە (-6,5% نەمەسە 180 بوس جۇمىس ورىنعا) وبلىستارىندا. سۇرانىستىڭ ەڭ جوعارى ءوسىمى ماڭعىستاۋ (+56,4% نەمەسە 1 مىڭ بوس جۇمىس ورنى), پاۆلودار (+36% نەمەسە 1,3 مىڭ بوس جۇمىس ورنى) وبلىستارىندا, الماتى قالاسىندا (+32,4% نەمەسە 1,8 مىڭ بوس جۇمىس ورنى) جانە اقمولا وبلىسىندا (+23,4% نەمەسە 500 بوس جۇمىس ورنى) بايقالدى.
ىزدەنۋشىلەر تاراپىنان بەلسەندىلىكتىڭ ەڭ كوپ تومەندەۋى الماتى قالاسىندا (-3,3 مىڭ نەمەسە -49,4%), قىزىلوردا وبلىسىندا (-3,3 مىڭ نەمەسە -47%), جامبىل وبلىسىندا (-2,4 مىڭ نەمەسە -42%) جانە شىمكەنت قالاسىندا (-2 مىڭ نەمەسە -42%) بايقالدى.
«بۇل رەتتە بىلىكتىلىگى جوك ەڭبەك رەسۋرستارىنا سۇرانىس قاتتى وزگەرىستەرگە ۇشىراعان جوق, ال ۇسىنىس وتكەن ايمەن سالىستىرعاندا 33%-عا قىسقاردى. اۆتوموبيلدەر مەن اۆتوبۋستاردىڭ جۇرگىزۋشىلەرىنە, بۋىپ-تۇيۋشىلەرگە, تەحنولوگيالىق قوندىرعىلاردى جوندەۋ جونىندەگى سلەسارلارعا جانە تەحنولوگيالىق جابدىقتاردى مونتاجداۋشىلار سياقتى بىلىكتى كادرلارعا سۇرانىس ارتا ءتۇستى. ال وتكەن ايمەن سالىستىرعاندا بوس جۇمىس ورىندارى شەت ءتىلى مۇعالىمدەرى, تاس قالاۋشىلار, call-ورتالىق وپەراتورلارى جانە قۇرىلىستاعى ەلەكترشىلەر ءۇشىن از ورنالاستىرىلدى», دەدى ەردو باسقارۋشى ديرەكتورى الەكساندرا مولچانوۆسكايا.
الدىڭعى كەزەڭدەردەگىدەي, ەەب-دە بىلىكتى قىزمەتكەرلەر اراسىندا كۇزەتشىلەردىڭ (1 452 بوس ورىنعا قارسى 703 تۇيىندەمە), مەدبيكەلەر/مەيىرگەرلەردىڭ (811 تۇيىندەمە جانە 1 554 بوس ورىن), تاربيەشىلەردىڭ (705 تۇيىندەمە جانە 1 441 بوس ورىن) تاپشىلىعى بايقالدى. سونىمەن قاتار زاڭگەرلەر, الەۋمەتتىك قىزمەتكەرلەر, دەنەشىنىقتىرۋ مۇعالىمدەرى اراسىندا ارتىقتىق بايقالادى.
«تاپشى كادرلار بويىنشا وڭىرلىك تەڭگەرىمسىزدىكتى دە اتاپ وتۋگە بولادى. ماسەلەن, كۇزەتشىلەردىڭ ەڭ كوپ جەتىسپەۋشىلىگى الماتى جانە نۇر-سۇلتان قالالارىندا بايقالدى, ال ماڭعىستاۋ وبلىسىندا كەرىسىنشە كوپ. وڭىرلەر بويىنشا ءبولۋدىڭ ۇقساس جاعدايى ورتا مەديتسينالىق پەرسونال, سونداي-اق تاربيەشىلەر ءۇشىن دە قالىپتاسۋدا. الايدا تۇركىستان وبلىسى مەن شىمكەنتتە مەيىرگەرلەردىڭ سانى ارتىپ, بارلىق دەرلىك وبلىستاردا مەدبيكەلەر تاپشىلىعى بايقالادى», دەدى ا.مولچانوۆسكايا.
اقپاندا جۇمىس بەرۋشىلەر باسشىلىق لاۋازىمدار ءۇشىن ەڭ جوعارى جالاقى ۇسىندى. وسى كاسىبي توپ بويىنشا ايىنا 540 مىڭ تەڭگەدەن باستالاتىن ۇسىنىسپەن جۇمىس تابۋعا بولادى. سونداي-اق وتكەن ايىندا جوعارى اقى تولەنەتىن مامان قاتارىندا جاتتىقتىرۋشىلاردى (ترەنينگتەرمەن, قايتا دايارلاۋمەن جانە بىلىكتىلىگىن ارتتىرۋمەن اينالىساتىن) اتاۋعا بولادى. ولارعا – ايىنا ورتا ەسەپپەن 525 مىڭ تەڭگە, ماركشەيدەرلەرگە – 513 مىڭ تەڭگە, كورپوراتيۆتىك ماماندارعا – 474 مىڭ تەڭگە, ءوندىرىستى دايىنداۋ ينجەنەرلەرىنە 419 مىڭ تەڭگە ۇسىنىلدى.
