سۋبسيدياعا سەنىم

بانكتەر بيزنەستى نەسيەلەۋدى قايتادان قولعا الدى كەشە ء“Rىxos ءPresىdent Astana” قوناقۇيىندە پرەمەر-مينيستر كارىم ءماسىموۆتىڭ قاتىسۋىمەن ەكونوميكالىق دامۋ جانە ساۋدا مينيسترلىگىنىڭ, بارلىق وبلىس اكىمدىكتەرىنىڭ, “دامۋ” كاسىپكەرلىكتى دامىتۋ قورى” اق-تىڭ, قازاقستان قارجىگەرلەرى اسسوتسياتسياسى جانە ەكىنشى دەڭگەيلى بانكتەردىڭ اراسىنداعى جەكە كاسىپكەرلىك سۋبەكتىلەرىنىڭ نەسيەلەرى بويىنشا سىياقى مولشەرىن سۋبسيديالاۋ جونىندەگى ىنتىماقتاستىق تۋرالى كەلىسىمگە جانە “بيزنەستىڭ جول كارتاسى-2020” باعدارلاماسىن ىسكە اسىرۋ شەڭبەرىندە كەپىلدىك بەرۋ جونىندەگى كەلىسىمدەرگە رەسمي قول قويۋ ءراسىمى بولىپ ءوتتى. بۇل — بانكتەر بيزنەستى نەسيەلەۋدى قايتادان قولعا الدى دەگەن ءسوز. “بيزنەستىڭ جول كارتاسى-2020” باعدارلاماسى ۇكىمەت قاۋ­لىسىمەن بەكىتىلىپ, ونىڭ ءبىرىنشى باعىتىن ىسكە اسىرۋ شەڭبەرىندە جەكە كاسىپ­كەر­لىك سۋبەكتىلەرىنە ەكىنشى دەڭ­گەيلى بانكتەردىڭ كرە­ديتتەرىنە كە­پىل­دىك بەرۋ ءجونىن­دەگى, سونداي-اق ەكىنشى دەڭگەيلى بانك كرەديتتەرىن سۋبسيديالاۋ جونىندەگى جانە “بيز­نەستىڭ جول كارتاسى-2020” باعدار­لا­ما­سىنىڭ 1 جانە 3-باعىتتارىن ىسكە اسىرۋ شەڭبەرىندە جەكە كاسىپكەرلىك سۋ­بەكتىلەرىنە ەكىنشى دەڭگەيلى بانك كرەديتتەرىن سۋبسي­ديالاۋ ءجونىن­دە­گى ىنتىماقتاستىق تۋرالى كە­لى­سىمدەر ۇكىمەت وتىرى­سىندا ما­قۇل­دانعان بو­لاتىن. كەلى­سىمدەردە جەكە كاسىپ­كەر­لىك سۋبەك­تىلەرى ءۇشىن مەم­لە­كەتتىك قولداۋ كورسەتۋ شارالارى­نىڭ شارتتارى مەن تە­تىكتەرى بە­كىتىلگەن, سونداي-اق باع­دارلامالارعا قاتىسۋشىلار ارا­سىن­داعى بايلانىس تارتىپتەرى رەت­تەلەدى. مۇنداي قا­رىم-قاتى­ناس­تاردىڭ رەتتەلۋى باع­دارلاماعا قا­تىسۋشىلاردىڭ بار­لى­عىنا بىردەي قاراۋدى, سونىمەن قاتار مەملەكەت­تىك قولداۋ كورسەتۋ كە­زىندە قابىل­داناتىن شەشىمدەردىڭ اشىقتىعى مەن مولدىرلىگىن قام­تاماسىز ەتەدى. شارادا “بيزنەستىڭ جول كار­تاسى-2020” باعدارلاماسىنىڭ 2 باعىتىن ىسكە اسىرۋ شەڭبەرىندە ەكونوميكالىق دامۋ جانە ساۋدا مينيسترلىگى مەن قازاقستان قار­جى­گەرلەرى اسسو­تسيا­تسياسى اراسىن­دا ارەكەتتەستىك تۋ­را­لى مەموران­دۋمعا دا قول قويىلدى. الدىمەن ەكو­نوميكالىق دامۋ جانە ساۋدا ءمينيسترى جانار ايت­جا­نوۆا ءسوز الىپ, بۇگىنگى تاڭ­دا ءبىزدىڭ الدىمىزدا تۇرعان ءمىن­دەت­تەردىڭ ءبىرى قازاقستاندىق تاۋار وندىرۋشىلەر ءۇشىن قارجى رەس­ۋرس­تارىنا قول جەت­كىزۋ جانە كە­دەن وداعى شەڭبە­رىن­دە اشىلاتىن جاڭا مۇمكىندىك­تەر­دى بارىنشا پاي­دالانۋ, سونداي-اق وعان جاع­داي جاساۋ بولىپ تابى­لا­تىن­دىعىن جەتكىزدى. وتاندىق كا­سىپ­كەر­لەردى مەملەكەت تاراپىنان قول­داۋ ماقساتىندا ۇكىمەت “بيز­نەستىڭ جول كارتاسى-2020” باع­دار­لاماسىن قابىلدادى. بۇل باس­تا­ما قازاق­ستاندىق بيزنەس قاۋ­ىم­داستىعى جانە بانك وكىلدەرى­مەن, سونداي-اق مەملەكەتتىك ور­گاندارمەن تالقى­لا­نىپ, كەلىسىلدى, دەپ اتاپ ءوتتى مينيستر. باعدارلاماعا رەسپۋبليكالىق بيۋدجەتتەن 30 ملرد. تەڭگە قاراس­تى­رىلعان. بۇل قارجى ءۇش باعىت بوي­ىنشا ءبولىنىپ وتىر. جاڭا بيزنەس-باستامالاردى قولداۋعا 12 ملرد. تەڭ­گە بولىنەتىن بولادى, ال كاسىپ­كەرلىك سەكتوردى ساۋىقتى­رۋ­عا 16 ملرد. تەڭگە ءبولۋ جوسپار­لان­سا, 2010 جىلى ەكسپورتقا باعدار­لانعان ءون­دىرىستى قولداۋعا 2 ملرد. تەڭگە ءبو­لىنبەك. “بيزنەستىڭ جول كارتاسى-2020” – ەلدى ين­دۋس­تريالان­دىرۋدىڭ 2020 جىلعا دەيىن­گى ستراتەگيالىق دامۋ جوس­پارىن ىسكە اسىرۋ ءۇشىن ءازىر­لەنگەن تەتىك­تەردىڭ ءبىرى. ول ەكونو­مي­كانىڭ شيكى­زات­تىق ەمەس سەك­تورلارىن­دا­عى وڭىرلىك كا­سىپ­­كەر­لىكتىڭ تۇ­راقتى جانە تەڭ­­­گەرىمدى ءوسۋىن قام­­­تا­ماسىز ەتۋدى, سونىمەن قا­تار جۇمىس ورىن­دارىن ساق­تاۋ مەن تۇراقتى جاڭا جۇمىس ورىن­دارىن قۇرۋدى كوز­دەيدى. قاتى­سۋ­شى جو­بالاردى ىرىك­تەۋ با­رىسىن­دا الدى­مەن اگ­رو­ونەركاسىپ كەشەنى, كەن ءوندىرۋ ونەر­كاسىبى سالاسىن­داعى تەحني­كا­لىق قىز­مەتتەر, جە­ڭىل ونەر­كاسىپ جانە جيھاز شىعارۋ, قۇرىلىس ماتەريال­دارى مەن مە­تالل ەمەس وزگە مينە­رالدى ءونىم­دەر ءوندىرۋ, مەتال­لۋرگيا, مەتالل وڭدەۋ, ماشينە جا­ساۋ سە­كىلدى وزگە دە ونەركاسىپ سەكتور­لا­رىنا باسىمدىق بەرىلەدى. ەلباسى تاپسىرماسى بويىنشا ۇكىمەت وبلىس اكىمدىكتەرىمەن, بيزنەس قاۋىمداستىعى وكىلدەرى­مەن, ەكىنشى دەڭگەيلى بانكتەرمەن, قار­جىگەرلەرمەن قىسقا مەرزىم ىشىندە ءبىر­قاتار ناقتى قۇجات­تار­دى تال­قىلاپ, بۇگىن مىنە, قول قوي­ىپ وتىر. مەن ەلىمىزدىڭ ءىس­كەرلىك بەلسەندىلىگىن ارتتىرۋدىڭ ناقتى جولدارىن كورسەتەتىن قۇ­جاتتىڭ ماڭىزى جوعارى ەكەندىگىن ايتقىم كەلەدى. ۇكىمەت سىزدەرمەن بىرگە داعدارىستان كەيىنگى كەزەڭدە ۇلتتىق بيزنەستى العا جىلجىتۋ ماق­ساتىمەن ونىڭ جاڭا تىنى­سىن اشۋعا مۇمكىندىك بەرمەككە بارلىق جاعدايدى جاساۋدا. بىزدەر داعدارىستان كەيىنگى دامۋدىڭ جاڭا ساتىسىندا تۇرمىز. سون­دىقتان ەكونوميكالىق دامۋدى رەتتەۋدى قولعا الۋىمىز قاجەت. قازىرگى ەكونوميكالىق جاعداي مۇلدەم باسقاشا. بۇگىنگى كۇنى بيزنەس-شەشىم جەكە باستاما­لار­عا, الدىمەن جەكە سەكتورعا تيە­سىلى. وسى ورايدا ۇكىمەت الدىن­داعى مىندەت – بيزنەس وكىلدەرىنىڭ جۇمىس جاساۋى­نا جول اشۋ. مى­سالى, بۇگىنگى كەلىسىم بويىنشا قول جەتكىزىلگەن نەسيەنى پايىز­دىق مولشەردە سۋبسيديالاۋ. كە­لىسىم ارقىلى ەندى بيزنەس وكىل­دەرى ناقتى شەشىمدەر قا­بىلداپ, بۇل رەسۋرستاردى بانك­تەردەن الا بەرۋىنە بولادى, دەدى جيىندا ءسوز سويلەگەن ۇكىمەت باس­شىسى. ونىڭ ايتۋىنشا, وبلىس اكىم­­دىكتەرى ەندىگى جەردە جەرگىلىكتى جەرلەردە جاعداي جاساۋى ءتيىس, رەس­پۋبلي­كا­دا قۇرامىنا بارلىق سەكتور كىرگەن ۇيلەستىرۋ كەڭەسى جۇمىس جاساماق. بانكتە قارجى بار, زاەمشىلار بار, پايىز ءمول­شەرى 7 پايىزدى قۇرايدى. ياعني بار­لىق جاعداي جاسالدى, ەندىگى جۇ­مىس بيزنەستىڭ قو­لىن­دا, دەدى پرەمەر-مينيستر ك.ءماسىموۆ. ۆەنەرا تۇگەلباي.