فۋتبول تاريحىنا كوز جۇگىرتسەك, 1985 جانە 1993 جىلدارى ەۋروپا مەن وڭتۇستىك امەريكا چەمپيوندارى اراسىندا ۋەفا-نىڭ بۇرىنعى پرەزيدەنتى ارتەميو فرانكيدىڭ ەسىمىمەن اتالعان تۋرنير وتكىزىلگەن ەدى. 1985 جىلعى باسەكەدە فرانتسيا پاريجدە ۋرۋگۆايدى (2:0) جەڭسە, 1993 جىلى ارگەنتينا مەن دانيا قۇرامالارى كەزدەسىپ, نەگىزگى كەزەڭ 1:1 ەسەبىمەن تەڭ اياقتالدى. پەنالتي سەرياسىندا ارگەنتينالىق فۋتبولشىلاردىڭ باعى جاندى – 5:4.
مىنە, اراعا 29 جىل سالىپ ەكى قۇرلىقتىڭ فۋتبول سالاسىنداعى باسشىلارى اتالعان باسەكەنى قايتا جاڭعىرتۋ جونىندە كەلىسىمگە كەلدى. ناتيجەسىندە, فيناليسسيما (يتاليانشا – «گراند-فينال») دەپ اتالاتىن ويىن 2022 جىلدىڭ 1 ماۋسىمىندا انگليا استاناسى – لوندونداعى «ۋەمبلي» ستاديونىندا وتەتىن بولىپ بەكىتىلدى.
