بۇل تۋرالى جۋرناليست لەكا ساۆەلەۆا ءوزىنىڭ الەۋمەتتىك جەلىدەگى پاراقشاسىندا جازدى.
يۋري پومەرانتسەۆ 1923 جىلى 11 اقپاندا ۋكراينادا, كيەۆ قالاسىندا تۋعان.
ءبىراز ۋاقىت وتكەن سوڭ ونىڭ وتباسى قاراعاندىعا قونىس اۋدارادى.
اكەسىنىڭ قازاسىنان كەيىن وعان جانە ونىڭ اناسىنا ماسكەۋگە كوشۋگە تۋرا كەلدى جانە سول جاقتان مايدانعا اتتاندى.
اۋىر جارالانعاننان كەيىن, 1943 جىلى يۋري بوريسوۆيچ الماتىعا كەلىپ, ءوزىنىڭ اكتەرلىك مانسابىن باستايدى.
اكتەر تەاتر جانە كينودا ونداعان رولدەردى سومدادى. دەگەنمەن, كورەرمەندەر ونى شاكەن ايمانوۆتىڭ ء«بىزدىڭ سۇيىكتى دارىگەر» كارتيناسىنداعى باس كەيىپكەر اناتولي لاۆروۆتىڭ رولىندە جاقسى تانيدى.
حالىق ءارتىسىنىڭ بار عۇمىرى تەاترمەن بايلانىستى. وسى سالادا ەڭبەك ەتىپ كەلە جاتقانىنا 75 جىل تولدى.
ونىڭ 66 جىلى الماتىداعى لەرمونتوۆ اتىنداعى اكادەميالىق دراما تەاترىندا ءوتتى.
وسى ۋاقىتتا 300-دەن اسا كەيىپكەردىڭ بەينەسىن ءساتتى الىپ شىقتى. سونىڭ ىشىندە مۇحتار اۋەزوۆتىڭ «اباي جولى» رومانى بويىنشا 1968 جىلى قويىلعان اباي دراماسىنداعى باستى ءرولى دە بار.
2018 جىلدىڭ مامىر ايىندا يۋري پومەرانتسەۆكە ەڭ جوعارى دارەجەلى «قازاقستاننىڭ ەڭبەك ەرى» اتاعى بەرىلدى.
سونىمەن قاتار, ءدال سول جىلى اكتەر رەسەي فەدەراتسياسىنىڭ «دوستىق» وردەنىن الدى.
