ماڭىزدى جوبالار

جىل باسىنان بەرى ۇدەمەلى يندۋستريا­لىق-يننوۆاتسيالىق دامۋ جونىندەگى ايماقتىق ۇيلەس­تىرۋ كەڭەسىنىڭ وتىرىستارى ءجيى­رەك وتكىزىلىپ كەلەدى. مۇنىڭ ءبىر سەبەبى, كەزەك كۇت­تىر­مەي تالقىعا سالاتىن قىزىقتى جوبالار­دىڭ كوبەيە ءتۇسۋى بولىپ وتىر. ءوڭىر­لىك قانا ەمەس, ودان دا اۋقىمدى پروبلەمالاردى شەشەتىن جوبا­­لاردىڭ العا تارتىلۋلارى از ەمەس. سولاردىڭ ىشىندە جاقىندا قارالعان ءۇش جوبا كوپشىلىكتى قىزىقتىردى. وبلىس اكىمىنىڭ ءبىرىنشى ورىن­­باسارى سەرىك وتەشەۆ اتال­عان كەڭەستە بايان ەتكەندەي “ نوماد” جشس مويىنعا ارتقان استىقتى تەرەڭ وڭدەۋ ءوندىرىسىن قۇرۋ بۇل سالادا ۇلكەن وزگەرىس­تەر­گە قوزعاۋ سالادى. وسى ءىستى اتقا­راتىن زاۋىت­تىڭ قۇرىلىسىن كەشىكتىر­مەي قولعا الۋ ءۇشىن فير­مانىڭ وزدەرى ۇسىنعان جوبانىڭ وبلىس­تىڭ يندۋستريالان­دىرۋ كارتاسىنا ەنۋىن قالايتىن­دىعى ايتىلدى. جان-جاقتى تالدانۋ بارىسىندا ءىرى باعدارلاما ەكەنى ءبىلىندى. ول جىلىنا 4200 توننا استىقتىڭ قۇرعاق كلەيكوۆينا­سىن, سونداي-اق 22800 توننا تاۋارلى سيروپ پەن 27800 توننا ازىق قوسىمشالارىن شىعارۋعا مۇمكىن­دىك بەرمەك كورىنەدى. بۇعان بوسا-بولماسىن ءتيىستى شيكىزات وبلىس كولەمىنەن مولىنان تابى­ل­ادى. ماسەلەن, وڭدەۋ ءۇشىن كلەيكو­ۆيناسى 30 پايىزدان اسپايتىن بيداي قاجەت. مۇنىڭ ءوزى وسىنداي سورتتى وسىرەتىن شارۋا قوجالىقتارىنا ونىمدەرىن تىكەلەي وتكىزۋگە وتە قولايلى جاعداي تۋعىزادى. كەڭەستە ونى ىسكە اسىرۋدى ماق­سات ەتۋشىلەر تالابى قولدان­دى. سونىمەن قاتار تەحنولوگيا­لىق گاز­دار­دى تازالاۋ جاب­دىق­تارىن ءوندىرۋ جانە كومىر تۇن­باسىن قايتا وڭدەۋ جوبالارى­نىڭ ماڭىزدى­لىعى دا نازار اۋدارتتى. مۇنىڭ الدىندا قارال­عاندارى­مەن بىرگە اراسىنان ەڭ ءتيىمدى­لەرىن ىرىكتەۋ وسى ايدا اياق­تالادى. تاڭدالعان­دارى “بيز­نەستىڭ جول كارتاسى-2020” باعدارلاماسى بويىنشا ىسكە اسىرىلادى. ايقىن نەسىپباي, قاراعاندى.