21 جاسقا دەيىنگى قازاقستان جاستار قۇراماسى 2023 ەۋروپا چەمپيوناتىنىڭ ىرىكتەۋ تۋرنيرىندە شوتلانديامەن بولاتىن ويىنعا دايىندىقتى 18 ناۋرىز كۇنى باستايدى.
تالعاردا وتەتىن وقۋ-جاتتىعۋ جيىنى اياسىندا قايرات نۇرداۋلەتوۆ كومانداسى قىرعىزستاننىڭ وليمپيادالىق قۇراماسىمەن U-23 جولداستىق ماتچ وتكىزۋدى جوسپارلاپ وتىر. كەزدەسۋدىڭ باستالۋ ۋاقىتى – 17:00. ەكى جاقتىڭ كەلىسىمى بويىنشا ويىن جابىق كۇيدە وتەتىندىكتەن ترانسلياتسيا بولمايدى.
ايتا كەتسەك, قازاقستان مەن شوتلانديا قۇرامالارى اراسىنداعى رەسمي ويىن 29 ناۋرىز كۇنى الماتى قالاسىنىڭ «ورتالىق» ستاديونىندا وتەدى.
