وقيعا 13 ناۋرىزدا Asia Mall ساۋدا ورتاعىندا بولعان.
ەسكالاتورمەن كوتەرىلە بەرگە ساتتە ايەلدىڭ قولىنان ءبىر جاسقا تولماعان ءسابي سۋسىپ كەتكەن.
«توعىز ايلىق قىز ەسكالاتوردان قۇلاپ كەتتى. زارداپ شەككەن بالا قالالىق كوپسالالى اۋرۋحاناسىنا جەتكىزىلدى. وعان جابىق مي-باس سۇيەك جاراقاتى, مي شايقالۋى, قان قۇيىلۋ دياگنوزى قويىلدى. جاعدايى وتە اۋىر, قىز وكپەنى جاساندى جەلدەتۋ اپپاراتىنا قوسىلعان», دەپ جازىلعان دەنساۋلىق ساقتاۋ باسقارماسىنىڭ حابارلاماسىندا.
بقو پوليتسيا دەپارتامەنتىندەگىلەر بالانى 35 جاستاعى ايەلدىڭ ءبىرىنشى جانە ەكىنشى قابات ارالىعىندا قۇلاتىپ العانىن ايتتى. بۇل دەرەك بىرىڭعاي سوتقا دەيىنگى تەرگەۋ رەەسترىندە تىركەلگەن.
تەكسەرىس ءجۇرىپ جاتىر.
