«13 ناۋرىزدا ساعات 01:07-دا سقو توتەنشە جاعدايلار دەپارتامەنتىنىڭ ء«ورت ءسوندىرۋ جانە اۆاريالىق-قۇتقارۋ جۇمىستارى قىزمەتى« مم-ءنىڭ «101» تەلەفونىنا ماسكەۋ وتكەلىندەگى 4 پاتەرلى كىرپىش تۇرعىن ۇيدە (بەرەكە شاعىناۋدانى) ءورت شىققانى تۋرالى حابارلاما ءتۇستى.
ءورت سوندىرۋشىلەر ساعات 01:13-تە كەلگەن ساتتە ۇيدەگى № 3 پاتەر جانىپ جاتقانى انىقتالدى. ءۇيدىڭ شاتىرى ورتكە ورانعان, قويۋ ءتۇتىن باسقان. ءورتتىڭ شىعۋى تۋرالى حابارلاما قۇزىرلى ورگانعا كەش بەرىلدى», - دەلىنگەن حابارلامادا.
قۇتقارۋشىلار جالىندى دەرەۋ سوندىرۋگە كىرىسكەن.
ء«ورتتى ءسوندىرۋ بارىسىندا 1975, 1979, 1960 جىلدارى تۋعان ەكى ەر ادامنىڭ جانە 1960, 1967 جىلدارى تۋعان 2 ايەل ادامنىڭ دەنەلەرى تابىلدى. قايتىس بولعان ادامداردىڭ دەنەلەرى سوت-مەديتسينالىق ساراپتاماعا جىبەرىلدى. ءۇي ورتالىق جىلىتۋ جۇيەسىنە قوسىلعان. ءورت ساعات 01.53-تە اۋىزدىقتالىپ, ساعات 02.24-تە ءسوندىرىلدى», - دەدى قر تجم-نان.
اپاتتى جاعدايدى جويۋعا پەتروپاۆل قالاسى 4 ءورت ءسوندىرۋ ءبولىمىنىڭ (№1, 2, 3 جانە 5) 30 ءورت ءسوندىرۋشىسى مەن 6 بىرلىك تەحنيكاسى جۇمىلدىرىلدى. ءتىلسىز جاۋ 60 شارشى مەتر اۋماقتى شارپىدى.
ء«ورتتىڭ شىعۋىنا الكوگولدىك ىشىمدىك ءىشىپ, توسەكتە تەمەكى تارتۋ سەبەپ بولۋى مۇمكىن دەگەن بولجام بار. كەلتىرىلگەن شىعىن مولشەرى انىقتالۋدا.
2022 جىلعى 1 اقپاندا № 5 ءورت ءسوندىرۋ ءبولىمىنىڭ قىزمەتكەرلەرى اۋلا ارالاۋ جۇمىستارى بارىسىندا ورتتە قايتىس بولعان ەر ادامداردىڭ ءبىرى, 1960 جىلى تۋعان ەر ادامعا ءورت قاۋىپسىزدىگى ەرەجەلەرى جازىلعان جادىناما تابىس ەتكەن بولاتىن. قازا تاپقاندار حالىقتىڭ الەۋمەتتىك وسال توپتارى ساناتىنا جاتپايدى, سپيرتتىك ىشىمدىك ىشەتىن ادامدار رەتىندە ەسەپكە الىنباعان. كۋاگەرلەردىڭ ايتۋىنشا, ءورت شىعار الدىندا قايتىس بولعاندار سپيرتتىك ىشىمدىك ىشكەن», - دەدى قر تجم ءباسپاسوز قىزمەتىنەن.
ءمالىم ەتىلگەندەي, بيىل سقو اۋماعىندا 115 ءورت بولدى, وندا 12 ادام قازا تاپتى, 4 ادام زارداپ شەكتى. كەلتىرىلگەن ماتەريالدىق شىعىن شامامەن 72 ملن تەڭگەنى قۇرادى.
