«QAZAQ AIR اۋەكومپانياسى رەسەيگە جوسپارلانعان بارلىق رەيستەر 2022 جىلدىڭ 13 ناۋرىزىنان باستاپ قايتا ورىندالا باستايتىنىن حابارلايدى. بيلەتتەردى برونداۋ www.flyqazaq.com سايتى ارقىلى قولجەتىمدى.
2022 جىلدىڭ 12 ناۋرىزىندا رەيستەردىڭ ورىندالماۋىنا قاتىستى ۋاقىتشا قولايسىزدىقتار ءۇشىن كەشىرىم سۇرايمىز. QAZAQ AIR اۆياكومپانياسى قازاقستاندىق جانە حالىقارالىق ستاندارتتارعا سايكەس ۇشۋلار قاۋىپسىزدىگى بويىنشا بارلىق تالاپتى ساقتاپ وتىر», - دەلىنگەن كومپانيا سايتىندا.
ەسكە سالايىق, اتالعان كومپانيا 12 ناۋرىزعا رەسەيگە جوسپارلانعان رەيستەردى ىسكە اسىرعان جوق. ونىڭ سەبەبى ساقتاندىرۋ وتەلىمىنە بايلانىستى.
«QAZAQ AIR اۆياكومپانياسى ساقتاندىرۋ ۇيىمىنان رەسەي تەرريتورياسىندا جانە ونىڭ اۋە كەڭىستىگىندە ساقتاندىرۋ وتەلىمى جۇرگىزىلمەيتىنى تۋرالى حابارلاما الدى. اتالعان جاعدايعا بايلانىستى اۆياكومپانيا رەسەي تەرريتورياسى اۋەسىندە ساقتاندىرۋ وتەلىمى تۋرالى ماسەلە شەشىمىن تاپپايىنشا رەسەيگە اۆيارەيستەردى ورىنداۋعا قاۋقارسىز. وسى سەبەپتى نوۆوسيبيرسكىگە بۇگىنگى (12 ناۋرىز) رەيس ورىندالمايدى», - دەگەن ەدى اۆياكومپانيادان.
