قر پرەمەر-ءمينيسترى ءاليحان سمايىلوۆ سۋ كەڭەسىنىڭ العاشقى وتىرىسىن وتكىزدى, وتىرىستا قىرعىز رەسپۋبليكاسىمەن ەلەكتر ەنەرگياسىمەن تاۋار الماسۋ جانە قازاقستاننىڭ وڭتۇستىك وڭىرلەرىن سۋمەن قامتاماسىز ەتۋ ماسەلەلەرى قارالدى. قازاقستاندا سۋ رەسۋرستارىن باسقارۋ جۇيەسىن جەتىلدىرۋ ماقساتىندا قر پرەمەر-ءمينيسترىنىڭ توراعالىعىمەن سۋ كەڭەسى قۇرىلدى. كەڭەس سۋ شارۋاشىلىعى سالاسىنداعى ساياساتتىڭ ۇلتتىق باسىمدىقتارى ماسەلەلەرى بويىنشا ۇسىنىستار مەن ۇسىنىمدار ازىرلەۋگە باعىتتالعان.
قازاقستان مەن قىرعىزستان تاراپتارى ەلەكتر ەنەرگياسى جانە سۋمەن قامتاماسىز ەتۋ بويىنشا تاۋار الماسۋ تۋرالى ءوزارا ءتيىمدى شارتتاردا ۋاعدالاستىق جاساستى.
«قازاقستاننىڭ وڭتۇستىك وڭىرلەرىن سۋمەن قامتاماسىز ەتۋگە باسىمدىق بەرىلەدى. الەۋمەتتىك تىنىشتىق پەن ازاماتتاردىڭ ءال-اۋقاتى – ۇكىمەتتىڭ نەگىزگى مىندەتى. بۇل ماسەلە ەرەكشە باقىلاۋدا», دەدى ءا. سمايىلوۆ.
قر ەنەرگەتيكا مينيسترلىگىنە قازاقستاندا ەلەكتر ەنەرگياسىنىڭ تاپشىلىعىنا جول بەرمەۋ جانە سۇر ماينينگكە قاتىستى قاتاڭ شارالار قولدانۋ تاپسىرىلدى.
«سۇر» ماينەرلەردى ءماجبۇرلى تۇردە ءوشىرۋ كەرەك», دەدى قر پرەمەر-ءمينيسترى.
