قارجى • 06 ناۋرىز، 2022

قارجىلىق ساۋاتتىلىق قاي دەڭگەيدە؟

146 رەت كورسەتىلدى

قارجىلىق قىزمەتتەرگە دەگەن سۇرانىستىڭ ءوسۋى ازاماتتاردىڭ بۇل سالاداعى جاۋاپكەرشىلىگى مەن ساۋاتىن دا ارتتىرىپ جاتىر. تسيفرعا شاقساق، قازىر ەلدەگى قارجىلىق ساۋاتتىلىق دەڭگەيى 39،52 پايىزعا جەتكەن. جاقىندا قارجى نارىعىن رەتتەۋ جانە دامىتۋ اگەنتتىگى وسى باعىتتاعى جىل سايىنعى الەۋمەتتانۋشىلىق زەرتتەۋىن جاريالادى.

 

حالىقتىڭ قارجىلىق ساۋاتتى­لى­عىنىڭ بار ياكي جوق ەكەنى قالاي تەك­سەرىلەدى ءوزى؟ ونى ءبىلۋ ءۇشىن كوپ جاعدايدا ەكونوميكالىق ىنتى­ماقتاس­تىق جانە دامۋ ۇيىمىنىڭ قيسىنى قول­دىنىلا­دى ەكەن. ياعني ءۇش كريتەري – مەنشىكتى قارجى قاراجاتىن باسقارۋ، قارجىلىق كورسەتىلەتىن قىزمەتتەردى پايدالانۋ جانە حالىقتىڭ قارجى جۇ­يەسى تۋرالى حاباردار بولۋ دەڭگەيى.

مەنشىكتى قارجى قاراجاتىن باسقا­رۋ بويىنشا جوعارى دەڭگەي جامبىل، سولتۇستىك قازاقستان، تۇركىستان، قوس­تاناي جانە قىزىلوردا وبلىستارىن­دا بايقالادى. الماتى، اقمولا جانە شىعىس قازاقستان وبلىستارى تۇر­عىندارىنىڭ بۇل تۇرعىداعى دەڭگەيى ورتاشا باعالانادى. ءبىر قىزىعى، زەرتتەۋ بارىسىندا ەر ادامداردىڭ ايەلدەر­گە قاراعاندا اقشا ۇستاۋدا ۇقىپتى­لىق تانىتاتىنى انىقتالعان. جالپى، قو­عامدىق سيپات تۇرعىسىنان قارار بولساق، جوعارى وقۋ ورنىن بىتىرگەن ازاماتتاردىڭ، كاسىپكەرلەردىڭ، جەكە جانە مەملەكەتتىك كومپانيا وكىلدەرىنىڭ قارجىلىق قابىلەتى جوعارىراق. كوپ جاعدايدا 18-29 جاس ارالىعىنداعى جاستار مەن 60-75 جاس ارالىعىنداعى قارت كىسىلەر قارجى يگەرۋدە قيىندىققا كوپ كەزىگەدى ەكەن.

زەرتتەۋ ارقىلى ءمالىم بولعانداي، قازاقستاندىقتاردىڭ 42،8 پايىزىنىڭ جەكە بيۋدجەتى بار، ال سۇرالعانداردىڭ ۇشتەن ءبىرى وتباسىلىق بيۋدجەت ماسە­لەسىن (29،9 پايىز) جۇبايىمەن (زايىبىمەن) بىرلەسە وتىرىپ جۇرگىزەدى. ساۋالداماعا قاتىسۋشىلاردىڭ كوبى (46،3 پايىز) ولاردىڭ ساتىپ الۋعا مۇمكىندىگى بار-جوعىن مۇقيات ويلاستىراتىنىن، 0،6 پا­يىزى مۇنداي باعالاۋدى جاسا­مايتىندىعىن ايتقان.

«ساۋالداماعا قاتى­سۋشى­لار­دىڭ 36،4 پايىزى تۇراقتى جي­ناق جاسايدى، ال 37،9 پايىزى مۇم­كىندىگىنە قاراي بەلگىلى ءبىر اقشا سوماسىن جينايدى. رەسپوندەنتتەردىڭ 36،04 پايىزىندا شىعىنداردى جوسپارلاۋ ادەتى بار، 37،1 پايىزى كەيدە مۇنى ىستەۋگە تىرىسادى، ال 2،2 پايىزى ەشقاشان ىستەمەيدى. 40 پايىزعا جۋىق قاتىسۋشى كەيدە اقشا سالۋ ارقىلى تاۋەكەلگە بارۋعا دايىن (مىسالى، باعالى قاعازدارعا)، 18،4 پايىزى مۇنى ىستەۋگە مۇلدە دايىن ەمەس»، دەپ جازادى اگەنتتىك.

زەرتتەۋدىڭ تاعى ءبىر ناتيجەسى – ەڭ تانىمال قارجىلىق قىزمەتتەردىڭ انىقتالۋى. ازاماتتار كوپ تۇتىناتىن قارجىلىق قىزمەت نە بولماسا تاۋار­لاردىڭ كوش باسىندا – تاۋار نەسيەسى (37،4 پايىز) تۇر. ودان كەيىن كوپشىلىك اعىمداعى شوت پەن بانك دەپوزيتىنە دە ءجيى جۇگىنەدى. ال زەينەتاقى اننۋيتەتى، ءبىلىم بەرۋ دەپوزيتى، اكتسيا، وبليگاتسيا جانە ينۆەستيتسيالىق پاي قورى سياقتى قارجى قۇرالدارىن پايدالانۋشىلار ۇلەسى تىم تومەن. سونىمەن قاتار سوڭعى بىرەر جىل كولەمىندە تۇرعىنداردىڭ بانكتەردىڭ ءموبيلدى قوسىمشالارىن جاپپاي قولدانۋعا كوشكەنىن دە ايتا كەتۋ كەرەك. نارىقتاعى بۇل تەندەنتسياعا COVID-19 پاندەمياسى دا ەرەكشە اسەر ەتتى.

«جالپى العاندا، زەرتتەۋ كەيبىر رەسپوندەنتتەردىڭ قارجىلىق قىز­مەت­تەردىڭ سارالانعان جيىنتىعىمەن جاقسى تانىس بولماسا دا، قارجىلىق قىزمەتتى تاڭداۋ پروتسەسىنە ەگجەي-تەگجەيلى قاراپ، شارتتى مۇقيات زەرتتەي باستاعانىن كور­سەتتى. ماسەلەن، رەس­پوندەنتتەردىڭ 44،9 پايىزى، ولاردىڭ ايتۋىنشا، شارتقا تەك ونى وقىپ، بار­لىق جاعدايىن تۇسىندىرگەننەن كەيىن قول قويادى. مەنەد­جەرلەرگە قوسىمشا سۇراقتار قويادى جانە تالاپتاردى زەرتتەيدى، رەسپوندەنتتەردىڭ 21،8 پايىزى سۇراقسىز قول قويادى، ويتكەنى مۇنىڭ ءبارىن ءتۇسىنۋ ولارعا قيىن»، دەپ جازادى اگەنتتىك.

ال ساۋالداماعا قاتىسۋشىلاردىڭ جارتىسىنان كوبى ەكىنشى دەڭگەيدەگى بانك­تەردىڭ فۋنكتسيونالىن، سونداي-اق قارجى نارىعىن رەتتەۋ جانە دامىتۋ اگەنتتىگى مەن قازاقستان ۇلتتىق بانكىنىڭ اتىنان رەتتەۋشىنىڭ مىندەتتەرىن جاقسى تۇسىنەتىنىن ءمالىم ەتكەن. جالپى، زەرتتەۋ­گە 10 مىڭ رەسپوندەنت قاتىسسا، سونىڭ 23 پايىزى – 18-29، 63 پايىزى – 30-49، 13 پايىزى – 50-63، 2 پايىزى – 63 جاس­تان جوعارى ازاماتتار. ساۋالداما نۇر-سۇلتان، الماتى مەن شىمكەنت سياقتى رەسپۋبليكالىق ماڭىزى بار 3 قالادا جانە قازاقستاننىڭ 14 وڭىرىندە جۇرگىزىلگەن.

 

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار