شارادا 200-دەن استام «بولاشاق» باعدارلاماسىنىڭ تۇلەكتەرى, پرەزيدەنت جاستار كادرلىق رەزەرۆىنىڭ مۇشەلەرى, ەلىمىزدىڭ تۇكپىر-تۇكپىرىنەن بەلسەندى نازىك جاندار قاتىستى.
فورۋمدى «بولاشاق» حالىقارالىق ستيپەندياسى تۇلەكتەرىنىڭ قاۋىمداستىعى, م.س.نارىكباەۆ اتىنداعى كازگيۋ ۋنيۆەرسيتەتى, KAZGUU Business School بىرلەسە ۇيىمداستىردى.
فورۋمدا ايەلدەر مەن ەرلەر ءۇشىن ەڭبەك نارىعىنداعى تەڭ مۇمكىندىكتەر, جالاقى, الەمدىك ترەندتەر جانە گەندەرلىك تەڭگەرىم ماسەلەلەرى تالقىلاندى. تالقىلاۋ فورماتىندا ەلىمىزدەگى ايەلدەردىڭ الەۋەتىن تەڭ دارەجەدە پايدالانۋ ماسەلەسى كوتەرىلدى.
فورۋم سوڭىندا شارا مودەراتورى, قر اقپارات جانە قوعامدىق دامۋ ۆيتسە-ءمينيسترى الەكساندر دانيلوۆ ەلىمىزدە ايەلدەر كوشباسشىلىعىن ىلگەرىلەتۋدىڭ جانە ايەلدەردىڭ الەۋەتىن پايدالانۋدىڭ ماڭىزدىلىعىنا توقتالدى.
«بۇل باعىتتاعى مەملەكەتتىك ساياسات بەلسەندى, بىراق ءبىز ايەلدەرگە تەڭ جاعداي جاساۋ ماقساتتارىنا جەتۋ ءۇشىن بۇدان دا كوپ كۇش سالۋدى جوسپارلاپ وتىرمىز. ءبىز بۇگىن سىني سۇراقتاردى كوتەردىك, بىراق ناتيجەلى بولۋ ءۇشىن ولارعا ناقتى جاۋاپتار ازىرلەۋ كەرەك. ياعني, بۇل مەملەكەتتىك ساياساتقا وتەتىن جاۋاپتار بولۋ كەرەك», دەدى الەكساندر دانيلوۆ.
