ايماقتار • 04 ناۋرىز، 2022

الماتىنىڭ بيۋدجەتى كوبەيدى

89 رەت كورسەتىلدى

الماتى ءماسليحاتىنىڭ 2022 جىلعا ارنالعان جەرگىلىكتى بيۋدجەتتى ناقتىلاۋ جونىندەگى XVI سەسسياسى ءوتتى. سونداي-اق قالانى باسقارۋدىڭ جاڭا قۇرىلىمىنىڭ جوباسى بەكىتىلدى، دەپ حابارلايدى Egemen.kz.

بيۋدجەتتى ناقتىلاۋ وتكەن جىلدان 48،9 ملرد تەڭگە سوماسىنداعى قولدا بار قاراجاتتىڭ بوس قالدىقتارى ەسەبىنەن جۇرگىزىلەتىن بولادى.

«بۇل قاراجات الەۋمەتتىك ماڭىزى بار ءىس-شارالار مەن جوبالاردى قارجىلاندىرۋعا باعىتتالادى»، دەدى الماتى اكىمى ەربولات دوساەۆ.

قاڭتاردىڭ قايعىلى وقيعالارى كەزىندە زارداپ شەككەن كاسىپكەرلەردىڭ تىركەلگەن 1201 وتىنىمىنەن 1009 بيزنەس سۋبەكتىسىنە 3،774 ملرد تەڭگەگە زالال وتەلدى، زالالدىڭ بارلىق تۇرلەرى بويىنشا 10 ملن تەڭگەگە دەيىن تولەمدەردى جەدەلدەتۋ جانە وڭايلاتۋ ءۇشىن اكىمدىكتىڭ باستاماسى بويىنشا ەل ۇكىمەتى م ۇلىكتىك زياندى وتەۋ قاعيدالارىنا وزگەرىستەر ەنگىزدى. وتىنىمدەردى قاراۋ مەرزىمى ءبىر ايدان ەكى اپتاعا دەيىن قىسقارتىلدى.

الماتى اكىمدىگىنىڭ باعالاۋى بويىنشا، وسى وزگەرىستەردى ەسكەرە وتىرىپ، تولەمدەردى قامتۋ 2022 جىلعى 10 ناۋرىزعا قاراي 90%-عا جەتەدى.

شاعىن جانە ورتا بيزنەستى دامىتۋدى ىنتالاندىرۋ جانە جاڭا جۇمىس ورىندارىن قۇرۋ ماقساتىندا بيزنەستى قولداۋ بويىنشا قوسىمشا شارالار پاكەتى دايىندالدى.

«Almaty Business» وڭىرلىك باعدارلاماسىنا جەرگىلىكتى بيۋدجەت قاراجاتىنان «1-دەن 1-گە» تەپە-تەڭدىك نەگىزدە قوسىمشا 750 ملن تەڭگە ءبولۋ ۇسىنىلادى.

«جالپى سوماسى 10 ملرد تەڭگەگە جەتەدى. بولىنگەن قاراجات ەسەبىنەن، ءبىرىنشى كەزەكتە، ىسكەرلىك بەلسەندىلىگى تومەن اۋدانداردىڭ اۋماعىندا كەمىندە 50 جاڭا جوبا ىسكە اسىرىلادى دەپ كۇتىلۋدە. بۇل الاتاۋ، ناۋرىزباي، جەتىسۋ جانە تۇركسىب اۋداندارى. بۇل اۋداندارداعى مولشەرلەمە 5%-دى، ال قالعان اۋدانداردا 7%-دى قۇرايدى»، دەلىنگەن الماتى ءماسليحاتىنىڭ حابارلاماسىندا.

مەملەكەتتىك مەكتەپتەردەگى بالالار جىلى اياسىندا 2022 جىلدىڭ 1 قىركۇيەگىنەن باستاپ بارلىق باستاۋىش (1-4) سىنىپ وقۋشىلارى تەگىن ىستىق تاماقپەن قامتاماسىز ەتىلەدى. وسى ماقساتقا جەرگىلىكتى بيۋدجەتتەن اعىمداعى جىلدىڭ سوڭىنا دەيىن (4 اي) قوسىمشا 5،3 ملرد تەڭگە ءبولۋ ۇسىنىلادى.

بالالاردىڭ سپورت سەكتسيالارىنا قولجەتىمدىلىگىن كەڭەيتۋ ءۇشىن سپورت ۇيىرمەلەرىن قارجىلاندىرۋ 1،5 ملرد تەڭگەگە – 3،2 ملرد تەڭگەگە دەيىن ۇلعايتىلادى.

«وقۋشى ورىندارىنىڭ تاپشىلىعىن تومەندەتۋ ماقساتىندا 46 ورتا ءبىلىم بەرۋ وبەكتىسىنىڭ قۇرىلىسى جالعاساتىن بولادى، ونىڭ 22-ءسى اعىمداعى جىلى (14 245 وقۋشى ورنىنا) پايدالانۋعا بەرىلەتىن بولادى. بوستاندىق، اۋەزوۆ، المالى، جەتىسۋ اۋداندارىنداعى مەكتەپتەرگە جاپسارلاس سالىنعان بەس عيماراتتىڭ قۇرىلىسىن اياقتاۋعا قوسىمشا 1،8 ملرد تەڭگە ءبولۋ ۇسىنىلادى»، دەپ قوستى ءماسليحات.

حالىقتىڭ الەۋمەتتىك وسال توپتارىن قولداۋ ماقساتىندا جۇمىسپەن قامتۋ باعدارلاماسىن قارجىلاندىرۋ جالعاسۋدا. مۇگەدەكتەر ءۇشىن الەۋمەتتىك جۇمىس ورىندارىنا كوزدەلگەن قاراجاتتى ءبولۋ جوسپارلانۋدا.

مۇمكىندىگى شەكتەۋلى ادامدارعا ارنالعان جەتى ورتالىقتىڭ ۇزدىكسىز جۇمىس ىستەۋى ءۇشىن 128،5 ملن تەڭگە سوماسىنا مەديتسينالىق جانە تۇرمىستىق جابدىقتار ساتىپ الۋ جوسپارلانىپ وتىر.

«نۇرلى جەر» مەملەكەتتىك باعدارلاماسى اياسىندا تۇرعىن ءۇي زاەمى بويىنشا باستاپقى جارنانىڭ ءبىر بولىگىن جابۋ ءۇشىن تۇرعىن ءۇي سەرتيفيكاتتارىن بەرۋ بويىنشا قارجىلاندىرۋ 1 ملن-نان 1،5 ملن تەڭگەگە دەيىن ۇلعايتىلدى، وعان 500 ملن تەڭگە كوزدەلۋدە.

وسى سەرتيفيكاتتاردى الۋشىلاردىڭ تىزبەسىنە 1 جانە 2 توپتاعى مۇگەدەكتەر، مۇگەدەك بالالارى بار نەمەسە ولاردى تاربيەلەۋشى وتباسىلار، جەتىم بالالار جانە اتا-اناسىنىڭ قامقورلىعىنسىز قالعان بالالار كىرەدى.

بيىل جاس قانات، الاتاۋ جانە اينابۇلاق-2 شاعىن اۋداندارىندا ءۇش دەنە شىنىقتىرۋ-ساۋىقتىرۋ كەشەنىنىڭ قۇرىلىسىن اياقتاۋ جوسپارلانۋدا.

تۇركسىب اۋدانىنىڭ بالالارىن دەنە شىنىقتىرۋمەن جانە سپورتپەن كوبىرەك قامتۋ ءۇشىن جاڭا دسك جوبالاۋ جانە «اۆياتور» ستاديونىن ءبىر مەزگىلدە قايتا جاڭارتۋ باستالدى.

24 مىڭ تۇرعىندى سۋمەن قامتاماسىز ەتۋ ماقساتىندا كەڭساي ساياجاي الابىندا سۋمەن جابدىقتاۋ جەلىلەرىن جوبالاۋ جانە سالۋ، دۋمان شاعىن اۋدانىندا سۋ رەزەرۆۋارلارى مەن سۋ قۇبىرى جەلىلەرىنىڭ، سونداي-اق سورعى ستانتسياسىنىڭ قۇرىلىسىن اياقتاۋ جوسپارلانۋدا، جالپى سوماسى 320 ملن تەڭگە». دەپ اتاپ ءوتتى الماتى ءماسليحاتىنىڭ ءباسپاسوز قىزمەتى.

قالالىق ءماسليحاتتا حابارلاعانداي، ءال-فارابي داڭعىلىن (ۆاد-دان ساين كوشەسىنە دەيىن) ورتاشا جوندەۋگە جوسپارلانعان قاراجات شاعىن اۋدانداعى جولداردى جوندەۋگە جانە سالۋعا باعىتتالاتىن بولادى. تاستىبۇلاق ىقشاماۋدانىنىڭ ۇزىندىعى 8،6 كم. 14 ۇزىندىعى 15،6 كم جانە وتەمىس ۇلى كوشەسى شاعىن اۋدانىندا. شاڭىراق-1 ۇزىندىعى 3،9 كم.

مەملەكەت باسشىسىنىڭ تاپسىرماسى بويىنشا قاۋىپسىزدىكتى قامتاماسىز ەتۋ ماقساتىندا قالانىڭ قۇقىق قورعاۋ ورگاندارى مەن ازاماتتىق قورعانىسىنىڭ ماتەريالدىق-تەحنيكالىق بازاسى قالپىنا كەلتىرىلىپ قانا قويماي، نىعايتىلاتىن بولادى.

قوسىمشا الەۋمەتتىك نىساندار مەن ادامدار كوپ جينالاتىن ورىنداردا 3050 سىرتقى باقىلاۋ كامەراسىن قوسۋ جوسپارلانۋدا.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار