الەم • 04 ناۋرىز، 2022

رەسەيدىڭ ۆاليۋتالىق رەزەرۆىنىڭ جارتىسىنا جۋىعى قىسقاردى

87 رەت كورسەتىلدى

S&P حالىقارالىق رەيتينگ اگەنتتىگى رەسەيدىڭ شەتەل ۆاليۋتاسىنداعى ۇزاق مەرزىمدى تاۋەلسىز كرەديتتىك رەيتينگىن «ۆۆ+»-تەن «CCC-»-كە دەيىن جانە ۇلتتىق ۆاليۋتاداعى ۇزاق مەرزىمدى رەيتينگىن «ۆۆۆ-»-تەن «CCC-»-كە دەيىن تومەندەتتى، دەپ حابارلايدى Egemen.kz تاسس-قا سىلتەمە جاساپ.

رەيتينگتەر تەرىس بولجاممەن CreditWatch (قايتا قاراۋ رەيتينگى) تىزىمىنە ەنگىزىلگەن. S&P اگەنتتىگىنىڭ مالىمەتىنشە، حالىقارالىق سانكتسيالار رەسەيدىڭ قولجەتىمدى ۆاليۋتا رەزەرۆتەرىن، سونىڭ ىشىندە اقش، ەو جانە جاپونيادا تىركەلگەن شەتەل ۆاليۋتاسىنداعى دەپوزيتتەر مەن باعالى قاعازداردى قىسقارتتى، بۇل شەتەل ۆاليۋتاسىنا سۇرانىستىڭ ءوسۋى كەزەڭىندە ەلدىڭ سىرتقى وتىمدىلىگىن السىرەتتى.

ء«بىز جاريا اقپاراتتان جانە ءباسپاسوز حابارلامالارىنان كاپيتالدىڭ قوزعالىسىن باقىلاۋ جونىندەگى شارالار ترانسشەكارالىق قارجى اعىندارىنا، ونىڭ ىشىندە جەكە سەكتوردىڭ دا، مەملەكەتتىڭ دە بورىشىنا قىزمەت كورسەتۋ جونىندەگى تولەمدەرگە تىيىم سالۋعا اكەپ سوعاتىنىن تۇسىنەمىز. بۇل ۇلتتىق جانە شەتەل ۆاليۋتاسىنداعى وبليگاتسيا ۇستاۋشىلاردىڭ - رەزيدەنت ەمەستەردىڭ پايىزداردى جانە/نەمەسە قارىزدىڭ نەگىزگى سوماسىن ۋاقىتىلى الۋ مۇمكىندىگىن شەكتەيدى دەپ ويلايمىز»، دەلىنگەن حابارلامادا.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ۇقساس جاڭالىقتار