«بۇگىنگى تاڭدا مۋزەيلەردىڭ دەڭگەيىن تۋريستىك نارىقتىڭ قازىرگى قاجەتتىلىگىنە, اسىرەسە ەلدىڭ مادەنيەتىمەن تانىسقىسى كەلەتىن جاس تۋريستەردىڭ قىزىعۋشىلىقتارىنا بەيىمدەۋ قاجەت. سونداي-اق قازىرگى كەزدە مۋزەيلەردى جاڭعىرتۋ جانە مۋزەيگە باراتىن تۋريستەر سانىن ارتتىرۋ ماسەلەسى وزەكتى بولىپ قالا بەرەدى. ورتا ەسەپپەن العاندا, پاندەمياعا دەيىنگى كەزەڭدە ەلىمىزدەگى 250 مۋزەيگە كۇنىنە 74 ادام بارعان ەكەن. بۇل – وتە تومەن ستاتيستيكا», دەپ اتاپ ءوتتى «اتامەكەن» ۇكپ تۋريستىك سالا كوميتەتىنىڭ ءتورايىمى يۋليا ياكۋپباەۆا.
مادەنيەت جانە سپورت مينيسترلىگى مادەنيەت كوميتەتى توراعاسىنىڭ ورىنباسارى ماقسات ارعىنبەكوۆ ۆەدومستۆودا مۇراجايلار جۇمىسىنىڭ تيىمدىلىگىن ارتتىرۋدى جوسپارلاپ وتىرعاندارىن ايتتى.
ء«بىز تۋريستەردى مۋزەيلەرگە دە كوپتەپ تارتۋدى كوزدەپ وتىرمىز, وسىعان سايكەس بىرقاتار شارا قابىلدانۋدا. مۋزەي قىزمەتكەرلەرىنىڭ ەڭبەكاقىسىن كوتەرۋ ماسەلەسى دە پىسىقتالىپ جاتىر. كرەاتيۆتى ەكونوميكا تۇجىرىمداماسى اياسىندا مۋزەيلەردە قىزىقتى ونىمدەردى ەنگىزۋ مىندەتى قويىلدى. قىزمەتكەرلەردى ىنتالاندىرۋ ءۇشىن ءبىز جۇلدە قورى قوماقتى بايقاۋلاردى ءجيى وتكىزەمىز. وكىنىشكە قاراي, مينيسترلىك تاراپىنان كوپتەگەن ءىس-شارا قارجىلاندىرىلماي, اياقسىز قالىپ جاتادى. سوندىقتان دەمەۋشىلەردەن قاراجات تارتۋ بويىنشا جۇمىس ىستەپ جاتىرمىز», دەپ اتاپ ءوتتى سپيكەر.
ونىڭ ايتۋىنشا, مۋزەيگە كىرۋ بيلەتتەرىنىڭ قۇنىن جوعارىلاتۋ ماسەلەسى كۇن تارتىبىنە قويىلعان. ويتكەنى 200-300 تەڭگە كولەمىندەگى باعا بۇگىنگى نارىق تالاپتارىنا ساي كەلمەيدى.
جيىن بارىسىندا «قالالىق تۋريزم ورتالىعى» زتب اتقارۋشى ديرەكتورى تاتيانا ۆەرنيتسكايا قالالىق ءتۋريزمدى دامىتۋدى زەرتتەۋ اياسىندا انىقتالعان بىرقاتار پروبلەما تۋرالى ايتتى.
«قازىرگى كەزدە بىزدە تاقىرىپتىق مۋزەيلەر, ناقتى عىلىمدار مۋزەيى جەتكىلىكسىز. كوپ جاعدايدا مۋزەيلەر تۋروپەراتورلاردىڭ تاپسىرىسى بويىنشا تاقىرىپتىق ەكسكۋرسيالاردى دايىندامايدى. ەگەر تاقىرىپتىق ەكسكۋرسيالار ۇيىمداستىرىلاتىن بولسا, مۋزەيلەرگە كەلۋشىلەردىڭ دە سانى ارتار ەدى. سونىمەن قاتار قازىرگى تاڭدا مۋزەيلەردىڭ كوممەرتسيالىق جاعىن دامىتۋ وزەكتى ماسەلە بولىپ تۇر», دەدى كاسىپكەر.
قولونەر شەبەرلەرى وداعىنىڭ جەتەكشىسى ايجان بەكقۇلوۆا مۋزەيلەر قولونەر شەبەرلەرى شەبەرلىك ساباقتارىن وتكىزۋ, كادەسىي ونىمدەرىن جاساۋ جانە تاقىرىپتىق ءىس-شارالاردى ۇيىمداستىرۋ ارقىلى تۋريستەردى تارتا الادى دەپ پايىمدايدى.
بيزنەس-قوعامداستىق وكىلدەرىنىڭ باستامالارىنا قاراماستان, بۇگىندە مۋزەيلەردىڭ كوممەرتسيالىق قىزمەتىن دامىتۋدا اكىمشىلىك كەدەرگىلەر بار ەكەنى دە ايتىلدى.
«قازىرگى كەزدە «مادەنيەت تۋرالى» زاڭعا وزگەرىستەر ەنگىزىلدى. وزگەرىستەرگە سايكەس اقىلى قىزمەتتەر ءتىزىمى ايتارلىقتاي قىسقارتىلدى. ياعني كادەسىيلاردى ساتۋ ەندى مۇمكىن ەمەس. ال مۋزەيدەگى تاماقتانۋ ورىندارىنا كەلەر بولساق, مۇنىڭ ءبارىن مۋزەيلەر ەمەس, مەملەكەتتىك م ۇلىك دەپارتامەنتى رەتتەيدى. ءبىز ولارعا كورسەتىلەتىن قىزمەتتەردىڭ ساپاسى تۋرالى ايتا باستاعاندا, جالعا الۋشىلار بىردەن شۋ شىعارادى», دەپ اتاپ ءوتتى ۇلتتىق مۋزەي ديرەكتورىنىڭ ورىنباسارى اباي ساتىبالدين.
مينيسترلىك وكىلدەرى قازىرگى ۋاقىتتا مۋزەيلەردىڭ جۇمىسىن جەتىلدىرۋ ءۇشىن ولاردىڭ قىزمەتىن رەتتەيتىن نورماتيۆتىك-قۇقىقتىق اكتىلەردى وزگەرتۋ بويىنشا جۇمىستار جۇرگىزىلىپ جاتقانىن اتاپ ءوتتى. كەڭەس قورىتىندىسى بويىنشا بارلىق ۇسىنىس جينالىپ, مينيسترلىككە جىبەرىلدى.
