اتاپ ايتقاندا, 4,1 مىڭ شەتەل ازاماتى ەلدە بولۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتىلدى. 2,7 مىڭ ادام زاڭسىز ەڭبەك قىزمەتىن جۇزەگە اسىرعان. 2,2 مىڭ قازاقستان ازاماتى مەن زاڭدى تۇلعا شەتەلدىكتەر تۋرالى پوليتسياعا ۋاقىتىلى حابار بەرمەگەن. 500-دەن استام جۇمىس بەرۋشى شەتەلدىك جۇمىس كۇشىن زاڭسىز پايدالانعان.
سالىنعان ايىپپۇلداردىڭ جالپى كولەمى 200 ميلليون تەڭگەدەن استى. سونىمەن قاتار, زاڭ بۇزعان نەمەسە ەلدە بولۋ نەگىزدەرى جويىلعان 1,5 مىڭ شەتەل ازاماتىنىڭ قازاقستاندا بولۋ مەرزىمى قىسقارتىلدى.
كوشى-قون زاڭناماسىن بۇزعان 132 شەتەلدىك ەل اۋماعىنان شىعارىلدى
سوت شەشىمىمەن 1,2 مىڭ شەتەل ازاماتىن ەلدەن شىعارۋ تۋرالى قاۋلى قابىلداندى. ولاردىڭ ىشىندە 121 ادام ءماجبۇرلى تۇردە ەلدەن شىعارىلدى, سونىڭ 8-ءى راديكالدى كوزقاراستاعى تۇلعالار. بارلىق شىعارىلعان ازاماتتارعا قازاقستانعا 5 جىلعا كىرۋگە تىيىم سالىندى.
ءىس-شارا بارىسىندا 24 قىلمىستىق ءىس قوزعالدى:
- 9 ءىس – مەملەكەتتىك شەكارانى زاڭسىز كەسىپ ءوتۋ بويىنشا;
- 9 ءىس – زاڭسىز كوشى-قوندى ۇيىمداستىرۋ فاكتىلەرى بويىنشا;
- 6 ءىس – شەتەلدىك جۇمىس كۇشىن تارتۋ ءتارتىبىن بۇزۋ بويىنشا.
تالداۋ ناتيجەسىندە, كوشى-قون زاڭناماسىنىڭ بۇزىلۋىنا كوبىنەسە قازاقستان ازاماتتارىنىڭ وزدەرى ىقپال ەتەتىنى انىقتالدى. نەگىزگى سەبەپ – زاڭسىز جولمەن تەز تابىس تابۋعا ۇمتىلۋ.
مىسالى, شىمكەنت قالاسىندا, سونداي-اق الماتى, جامبىل جانە شىعىس قازاقستان وبلىستارىندا شەتەلدىك جۇمىس كۇشىن تارتۋ ەرەجەلەرىن بىرنەشە رەت بۇزۋ فاكتىلەرى تىركەلدى. بۇل دەرەكتەر بويىنشا قىلمىستىق كودەكستىڭ 395-بابى 1-بولىگىنە سايكەس سوتقا دەيىنگى تەرگەۋ باستالدى.
سونىمەن قاتار, ءبىر وڭىردە قازاقستان ازاماتى جالعان قۇجاتتار ارقىلى شەتەلدىكتەردى زاڭداستىرعانى انىقتالدى. اتالعان فاكتى بويىنشا قىلمىستىق كودەكستىڭ 394-بابى بويىنشا ءىس قوزعالدى.
ءىس-شارا كەزىندە حالىقارالىق ىزدەۋدە جۇرگەن 22 شەتەل ازاماتى ۇستالدى. ولاردىڭ كەيبىرى الماتى قالاسىندا, ماڭعىستاۋ, تۇركىستان جانە جامبىل وبلىستارىندا انىقتالعان.
قۇقىق قورعاۋ ورگاندارى كوشى-قون زاڭناماسىنىڭ بۇزىلۋىن انىقتاۋ جانە الدىن الۋ جۇمىستارىن جالعاستىرىپ جاتىر. نەگىزگى قاعيدا – زاڭ بارىنە ورتاق جانە ونى ساقتاۋ مىندەتتى.
