تەكسەرۋ بارىسىندا قۇرىلىس-مونتاج جۇمىستارىنىڭ ساپاسىنا, مەرزىمدەردىڭ ساقتالۋىنا جانە نىسانداردىڭ زاماناۋي تالاپتارعا سايكەستىگىنە ەرەكشە كوڭىل ءبولىندى.
باس قولباسشى تۇركسىب اۋدانىندا جەدەل ماقساتتاعى باتالوندى ورنالاستىرۋ جوباسىنىڭ جۇزەگە اسىرىلۋىن قارادى. 2022 جىلدان بەرى جۇرگىزىلىپ جاتقان بۇل نىساندا عيماراتتاردى جابدىقتاۋ جانە ينفراقۇرىلىمدى ىسكە قوسۋعا دايىنداۋ جۇمىستارى اياقتالۋعا جاقىن.
كوكتەمگى اسكەرگە شاقىرۋ: ءوتىنىمدى ەندى ونلاين بەرۋگە بولادى
كەشەن قۇرامىنا كازارما, اسحانا, مەديتسينالىق پۋنكت, اۆتوپارك, ينجەنەرلىك جانە تىلدىق قامتاماسىز ەتۋ نىساندارى, سونداي-اق كينولوگيالىق قىزمەتكە ارنالعان ينفراقۇرىلىم كىرەدى.
سونىمەن قاتار 5 571 اسكەري بولىمىندە مەديتسينالىق بلوك پەن بريگادا بولىمشەلەرى ورنالاساتىن بەس قاباتتى كوپفۋنكتسيونالدى عيماراتتىڭ قۇرىلىسى جالعاسىپ جاتىر. نىساننىڭ سىيىمدىلىعى 400-دەن استام اسكەري قىزمەتشىنى قامتيدى. ال تۇركىستان قالاسىندا 10 گەكتار اۋماقتا اسكەري قالاشىقتىڭ نەگىزگى كونسترۋكتسيالارى مەن ينجەنەرلىك ينفراقۇرىلىم سالىنىپ جاتىر.
سونىمەن بىرگە, ەل اۋماعىندا قىزىلوردا, جەزقازعان, ورال جانە اتىراۋ قالالارىندا جاڭا اسكەري قالاشىقتار مەن كازارمالاردىڭ قۇرىلىسى جالعاسىپ جاتىر. بۇل قۇقىقتىق ءتارتىپ اسكەرلەرى ءۇشىن زاماناۋي جاعداي جاساۋ باعىتىنداعى جۇيەلى جۇمىستىڭ دالەلى.
اتالعان جوبالاردى ىسكە اسىرۋ اسكەري ينفراقۇرىلىمدى دامىتۋعا, ماتەريالدىق-تەحنيكالىق بازانى نىعايتۋعا جانە بولىمشەلەردىڭ جەدەل دايىندىعىن ارتتىرۋعا باعىتتالعان.
ساپار قورىتىندىسى بويىنشا باس قولباسشى قۇرىلىس ساپاسى مەن قارقىنىن ارتتىرۋ جونىندە بىرقاتار تاپسىرما بەرىپ, سالىناتىن نىساندار زاماناۋي ستاندارتتارعا ساي بولۋى جانە اسكەري قىزمەتشىلەردىڭ قاجەتتىلىكتەرىن تولىق قامتاماسىز ەتۋى ءتيىس ەكەنىن اتاپ ءوتتى.
