فوتو: اباي وبلىسى اكىمدىگى
ارۋجان بۇل جوبامەن 7 سىنىپتان باستاپ جۇيەلى تۇردە اينالىسىپ كەلەدى. ىزدەنىس بارىسىندا ول پلاستيك قالدىقتارىن ارنايى وڭدەپ, اسفالت قۇرامىنا قوسۋدىڭ ءتيىمدى ءتاسىلىن تاپقان. ۇسىنىلعان ءادىس جول جابىنىنىڭ بەرىكتىگىن ارتتىرىپ, ونىڭ قىزمەت ەتۋ مەرزىمىن ەداۋىر ۇزارتادى.
مامانداردىڭ باعالاۋىنشا, مۇنداي تەحنولوگيامەن سالىنعان جولدار ورتا ەسەپپەن 12-18 جىل بويى جوندەۋدى قاجەت ەتپەيدى, ال ساپاسى جوعارى ۇلگىلەرى 20-25 جىلعا دەيىن ءتوزىمدى. سونىمەن قاتار ەكو-اسفالت ءداستۇرلى جول جابىنىمەن سالىستىرعاندا الدەقايدا ۇنەمدى ەكەنى اتاپ ءوتىلدى.
جوبانىڭ تاعى ءبىر ماڭىزدى قىرى – جول ساپاسىن باقىلاۋدى اۆتوماتتاندىرۋ مۇمكىندىگى. كەلەسى كەزەڭدە وقۋشى ارنايى اۆتونومدى روبوتتار جۇيەسىن ەنگىزۋدى كوزدەپ وتىر. ونىڭ تۇسىندىرۋىنشە, «ا» روبوتى جولداعى اقاۋلاردى انىقتايدى, ال «ۆ» روبوتى ولاردى جەدەل جوندەيدى. بۇل ءتاسىل ۋاقىتتى ۇنەمدەپ, جوندەۋ شىعىندارىن ازايتۋعا مۇمكىندىك بەرەدى.
جاس ونەرتاپقىشتىڭ باستى ماقساتى – پلاستيك قالدىقتارىن ءتيىمدى پايدالانۋ ارقىلى قورشاعان ورتانى قورعاۋ جانە جول قۇرىلىسىنا يننوۆاتسيالىق شەشىم ەنگىزۋ. «ەكو اسفالت» جوباسى ارقىلى ارۋجان تۋعان ءوڭىرىنىڭ ەكولوگياسىن جاقسارتۋعا ناقتى ۇلەس قوسىپ وتىر.
جاس ونەرتاپقىشتاردىڭ الەۋەتى: يدەيالار نەلىكتەن وندىرىسكە جەتپەي قالادى؟
