فوتو: وقۋ-اعارتۋ مينيسترلىگى
جوبانى كەڭ كولەمدە ەنگىزۋ تۋرالى شەشىم الماتى وبلىسى تالعار اۋدانىندا جۇرگىزىلگەن پيلوتتىق كەزەڭنىڭ وڭ ناتيجەلەرىنەن كەيىن قابىلداندى. ول جەردە جۇرگىزىلگەن مونيتورينگ وقۋشىلار اراسىنداعى بۋللينگ پەن قۇقىق بۇزۋشىلىقتىڭ ايتارلىقتاي ازايعانىن كورسەتتى.
بۇگىندە جوبا ەلىمىزدىڭ بىرقاتار وڭىرىندە كەڭىنەن جۇزەگە اسىرىلىپ جاتىر. اتاپ ايتقاندا, شىمكەنت قالاسىندا – 100-گە جۋىق, قاراعاندى وبلىسىندا – 190-نان استام, پاۆلودار وبلىسىندا – شامامەن 110 ءبىلىم بەرۋ ۇيىمى قامتىلعان. ساباقتاردى وتكىزۋگە قۇقىق قورعاۋ ورگاندارىندا تاجىريبەسى بار 600-دەن استام تالىمگەر تارتىلعان. جوسپارعا سايكەس, مۇنداي ساباقتار ەكى اپتادا كەمىندە ءبىر رەت وتكىزىلىپ وتىرادى.
پيلوتتىق جوبا تالعار اۋدانىنداعى 10 مەكتەپ پەن 3 كوللەدجدە ىسكە اسىرىلىپ, 9 000-نان استام وقۋشى قامتىلدى. ناتيجەسىندە بۋللينگ پەن كيبەربۋللينگ جاعدايلارى 18%-عا تومەندەگەن, ال مىنەز-ق ۇلىق تاۋەكەلى تومەن وقۋشىلاردىڭ ۇلەسى 31,9%-عا ارتقان. سونىمەن قاتار ەرەكشە نازاردى قاجەت ەتەتىن جاسوسپىرىمدەر سانى 30%-عا قىسقارعان.
جوبانىڭ باستى ماقساتى – وقۋشىلاردىڭ قۇقىقتىق مادەنيەتىن قالىپتاستىرۋ جانە قۇقىق بۇزۋشىلىقتىڭ الدىن الۋ. وسى ارقىلى ءبىلىم الۋشىلاردىڭ زاڭعا قۇرمەتپەن قاراۋى, جاۋاپكەرشىلىگى مەن ءتارتىپ داعدىلارى نىعايا تۇسەدى.
«قازاقستان بالالارى» تۇجىرىمداماسى اياسىندا جۇزەگە اسىرىلىپ جاتقان بۇل باستاما الداعى ۋاقىتتا ەل كولەمىندە كەزەڭ-كەزەڭىمەن ەنگىزىلمەك. ناتيجەسىندە بالالارعا قاتىستى زورلىق-زومبىلىقتىڭ الدىن الۋدىڭ بىرىڭعاي جۇيەسى قالىپتاسىپ, قۇقىقتىق مادەنيەت دەڭگەيى ارتادى.
بالاباقشا مەن كوللەدجدەردە داۋ-دامايدى رەتتەيتىن مەدياتسيا قىزمەتتەرى قۇرىلادى
